VOV4.K’ho - Krông Pa lài do là 1 tàm 3 kơnhoàl rơ[ah ngan càr Gia Lai dê. Broă lơh sa mờ măi mo\k tàm do ờ geh, gam broă lơh sa suơn sre den sùm gơtìp ờ geh tơnhào tài trồ prang.

Mơya, tàm tơngai bơh nam 2015 tus 2020, kơnhoàl neh lơh geh bơta tam gơl dờng màng ngan, mờ broă lơh bơtơ\t rơbòng dà sơlơ nam geh lơh gơs, ai geh ală kàl lơh sa tơnhào uă.

Gah lơh sa mờ măi mo\k tàm kơnhoàl Krông Pa kung bơh tàm bơta ờ geh tus geh, geh tu\ gơs tiah lơh sa pràn ngan càr Gia Lai dê, mờ broă lơh sa mờ măi mo\k lơh gơs phan ngui sa geh lơh bơh phan lơh broă sa suơn sre mờ lơh sa mờ măi mo\k năng lượng lơh geh wơl, ai geh broă tơnguh bơtàu mhar, kơl jăp tàm tongai pơn jăt tai.

                                                                     Broă lơh rơbòng dà Chư Gu

Bă sre Kơ Ja, xã Chư Gu, kơnhoàl Krông Pa lài do mìng lời ê rơpu, kơnrồ,  mơya tu\ do neh gơs bă sre dờng ơnàng lơh kòi bàr kàl. Ồng H’ Vinh Vân, cau kis tàm do pà g^t, uă làng bol kis tàm do mờr geh tơnhào kòi kàl dơ\ 4 tàm bă sre do bơh nam 2019, tu\ kơnhoàl lơh gơs broă lơh rơbòng dà tuh dà bơh tơnao dơng dà Ia Mlah.

Bơdìh mờ lơh kòi, dà bơh tơnao dà gam dong kờl làng bol kis tàm xã Chư Gu geh tơnhào uă jrào tai, mờ khà geh rơlao 50 tơlăk đong tàm 1 kàl 1 lồ ù tam. Ồng H’ Vinh Vân chờ hờp ngan tài bơh tu\ do làng bol ờ gam ngòt mờ trồ prang, broă lơh sa ờ geh tơnhào tai, iang nùs tàm broă lơh sa:

-Đảng Dà lơgar neh sền gròi, dong kờl nàng làng bol iang nùs bơcri priă tàm broă lơh sa. Tu\ do rài kis làng bol neh tơl ngui tơl sa. Ờ di bè lài do tai, tu\ do làng bol neh tơriang tơriồng tàm broă lơh sa, tơnguh bơtàu broă lơh sa.

Jăt Phòng Nông nghiệp mờ Phát triển Nông thôn kơnhoàl Krông Pa yal, kơnhoàl do tu\ do geh 4 bơtơ\t rơbòng dà, tơnao dơng dà, 4 bơtơ\t dơng dà, bơta pràn tuh dà di pơgăp 7 rơbô lồ. Geh pơnrơ ngan tàm khà do là bơtơ\t rơbòng dà Ia Mlah, gam tuh dà mờr 3 rơbô lồ ù tam phan in.

                     Dà tus, kòi mờ phan tam ờ jo\ tơngai tàm kơnhoàl Krông Pa ndrờm geh uă tơnhào

Geh bơtơ\t rơbòng dà,, ală tiah ù gơtìp prang tàm xã Đất Bằng, Chư Gu, Chư Ngọc, Phú Cần mờ thị trấn Phú Túc neh tam gơl gơs tiah tơlir niam.

Kờp jơh khà priă geh lơh bơh broă lơh sa suơn sre kơnhoàl Krông Pa nam 2020 kờp du\ geh 2 rơbô 600 tơmàn đong, gơguh 1,4 dơ\ pơn drờm mờ nam 2015, mờ gam pơn jăt tai gơguh pràn tàm ală nam tus, tu\ broă lơh bơtơ\t rơbòng dà geh lơh gơs, ală broă lơh rơbòng dà geh tơnguh jơh bơta pràn tuh dà.

Di lah pơn drờm mờ broă lơh sa suơn sre, gah lơh sa mờ măi mo\k tàm kơnhoàl Krông Pa sơlơ geh tam gơl pràn ngan, mờ khà priă geh lơh mờr 2 rơbô 200 tơmàn đong, gơguh uă rơlao 2 dơ\ pơn drờm mờ nam 2015.

Kuơ màng, kơnhoàl rơ[ah, ù tiah gơtìp prang ờ geh dà, tu\ do neh gơs tiah tòm lơh ồs đèng măt tơngai dờng ngan càr Gia Lai dê mờ 2 rơndăp broă lơh neh lơh gơs, 1 rơndăp broă gam geh lơh, kờp jơh bơta pràn ồs đèng geh lơh gơs 138 MWp.

                         Dùl rơndăp broă lơh ồs đèng măt tơngai tàm kơnhoàl Krông Pa neh geh lơh broă

Tơnơ\ mờ rơlao 1 nam lơh broă, mìng 2 rơndăp broă lơh ồs đèng măt tơngai neh pơgồp bal tàm kes priă geh uă rơlao mờ khà tă priă tàm kes priă kơnhoàl dê tu\ ờ hềt geh ală rơndăp broă lơh do.

Jăt ồng Tạ Chí Khanh, Phó Chủ tịch UBND kơnhoàl yal, tàm kơnhoàl gam 19 rơndăp broă lơh ồs đèng măt tơngai gam sền ù tiah nàng lơh, kờp jơh bơta pràn rơlao 1 rơbô MWp, kơ\p kờ` lơh geh bơta kuơ màng bè broă lơh sa:

-Do là bơta pràn dờng màng ngan pơgồp bal tàm broă tơnguh bơtàu năng lượng geh lơh wơl bal dà lơgar dê, kung là bơta tòm nàng kơnhoàl Krông Pa pơn jăt tai lơh jăt broă tam gơl pa broă lơh sa bơh broă tơmù bơta kuơ bơh gah lơh sa suơn sre, tơnguh bơta kuơ broă lơh sa mờ măi mo\k tàm tơngai pa.

Tàm tu\ geh uă mpồl lơh sa kă bro tơrgùm tàm broă lơh ồs đèng măt tơngai kơnhoàl Krông Pa dê, den kung geh ờ uă mpồl lơh sa kă bro lơh di mờ bơta geh bơh broă lơh sa suơn sre brê bơnơm mờ bơcri priă tàm broă lơh gơs phan ngui sa bơh phan geh lơh bơh broă lơh sa suơn sre brê bơnơm kơnhoàl dê.

Jăt mò Bùi Thị Quy, kuang atbồ Công ty TNHH kă bro lơh gơs phan geh lơh bơh broă lơh sa suơn sre brê bơnơm Đường Vạn Phát, do là mpồl lơh sa bơcri mờr 500 tơmàn đong nàng lơh hìu măi tơrdih [òk bùm blàng, den mờ kơnhoàl Krông Pa đơs is, càr Gia Lai đơs bal, tơnguh bơtàu broă lơh sa suơn sre brê bơnơm, lơh gơs phan geh lơh bơh broă lơh sa suơn sre, sùm geh dờp uă bơta ai lài nàng lơh:

-Krông Pa den gơdờp ngan mờ ală mpồl lơh sa kă bro bơcri priă bè bol a`. Kơnhoàl sùm ai tơl bơta [uơn ală mpồl lơh sa kă bro bơcri priă in. Ală sră nggal ndrờm geh lơh mhar mờ [uơn.

Krông Pa neh soh tàm să “ào pa”, lài ngan ntào kơ\ mờ broă lơh sa suơn sre bal mờ broă lơh sa mờ măi mo\k. Ồng Nguyễn Duy Anh, Bí thư Huyện uỷ Krông Pa pà g^t, tơngai bơh nam 2015 tus 2020, đảng bộ kơnhoàl neh lơh gơs mờ sơrlèt jơh ală khà broă geh ai tàm nghị quyết bồ tơngai lơh broă geh ai.

Tàm hơ\, khà gơguh lơh sa pah nam geh mờr 11%; khà hìu rơ[ah gơmù 39%; neh geh 2 xã neh geh khà [òn lơgar pa, gam kơ\p nàng geh dờp.

Jăt ồng Nguyễn Duy Anh, kơnhoàl geh lơh niam broă kuang bàng, bơ\t bơtàu mpồl lơh broă chính trị pràn kơl dang, nàng tơnguh geh cồng nha rơlao tai ală bơta geh neh geh ai, wèt tus broă tơnguh bơtàu mhar mờ kơl jăp:

-Tơngai lơh broă bơh nam 2020 tus 2025, kơnhoàl Krông Pa tơnguh broă bơ\t bơtàu Đảng, mpồl lơh broă chính trị pràn kơl dang tơl ală bơta, pơn jăt tai tơnguh bơta pràn, lơh niam ală bơta geh, tơrgùm tơnguh bơtàu ală gah broă drơng ala, lơh sa mờ măi mo\k lơh gơs phan ngui sa, năng lượng lơh geh wơl; chồl pràn broă bơ\t bơtàu [òn lơgar pa, tơmù rơ[ah kơl jăp, tơnguh rài kis phan bơna mờ nùs nhơm làng bol in.

Kòi neh hòn gơs niam tàm ală thòng geh uă `hơ\t hòn lài do, dà sàng kloh niam neh tus mờ ală [òn gơtìp prang ro, bùm blàng, tào bơh tàm suơn neh tus tơn mờ hìu măi, gam ală tiah mùl màl gơtìp prang ro, neh gơs ală broă lơh ồs đèng măt tơngai. Hơ\ là broă tam gơl pràn ngan nàng kơnhoàl Krông Pa sơbì jơh bơta jơgloh rơ[ah, tơnguh bơtàu kơl jăp.

Cau mblàng Ndong Brawl