VOV4.K’ho- Bulah gơtìp uă ngan kal ke tài bơh tam gơl trồ tiah, khà priă tăc phan lơh bơh suơn sre  tac ờ hoan yòm, tu kòp gơlik geh kơryan tus broă lơh sa kă bro, 5 nam do, gơnoar atbồ, làng bol càr Gia Lai neh sùm pơđơl lơh ngan, tàm pơr lòng tàm tơl gah. Pah nam cau dùl nă să is, mpồl cau tàm tiah do dê, mpồl lơh broă, tàm jơh gùt ală gah tàm rài kis mpồl bơtìan neh gơ gơs là ală krơh niam bơh srơh, bơtàu tơnguh, gơ gơs là bơta gơn kơnờm sơlơ bơtàu tơnguh tơl làm tàm tiah do dê.

Ơm tàm sơnam 70, ồng Đinh Vứt là dùl krơh niam tàm srơh bơt bơtàu [òn lơgar pa bơh làng bol dê tàm [òn Jro Ktu, xã Yang Bắc, kơnhoàl Đăk Pơ. Bulah hìu bơnhă ờ hoan pas gơs, mơya tu\ g^t gùng dà broă lơh bơh Đảng ủy xã dê bè broă lơh gùng lòt tàm tơr bo\ bal mờ xã Đăk Yang lơh tus tơn tàm tiah tờm kơnhoàl Đăp Pơ dê, ồng Vứt neh pà is 3 sào ù gam tam tào nàng pờ ơnàng gùng lòt. Pà is ù, ồng tus tơl hìu bơnhă làng bol geh ù tàm tiah lơh gùng geh lòt gan nàng jà làng bol dùl nùs bal, pơgồp dà kơl hề pà is ù nàng pờ ơnàng gùng lòt. Ồng Đinh Vứt đơs, bơta pin dờn bơh cau đảng viên dê sùm lòt lài bal mờ jơnau đơs di gùng di dà neh lơh geh bơta pin dờn, dong broă lơh gùng tàm [òn jòng rlau 2 kơi sồ mhar ngan lơh gơs.

Lài ngan a` cribơyai mờ hìu bơnhă, oh kòn kòn sau là pal pà is ù. Là dùl nă cau đảng viên, he pal lơh krơh lam lài nàng làng bol in lơh jat bal. Tơnơ\ hơ\, a` hòi jà làng bol ală hìu bơnhă geh ù gơ rềng tus gùng lòt lơh tus tơn tàm tiah tờm kơnhoàl dê, khi dùl nùs bal mờ jat a` pà is ù lài. Tu\ do, tàm trồ mang, iar nrau, làng bol kòp tê jê să lơi den kung buơn ngan lòt rê tus hìu sơnơm rềp ndo, tăc tào, tăc bùm blàng geh yòm là kơnờm geh gùng lòt hơ\.

Ồng Đinh Vứt (bơdìh đah ma) bal mờ kuang bàng tiah do dê lòt tàm gùng [òn pa lơh ơnàng

Tàm hìu bơsram kấp pe Chuyên Hùng Vương ([òn dờng Pleiku), neh uă nam do Tiến sĩ sinh học Phùng Thị Kim Huệ là dùl nă cau pơgru jak ngan tàm broă bơto bơtê, mơ kung là cau khoa học tờm ngan pơn rơ jak tàm srơh kơlôi sơnơng khoa học mờ gah lơh broă mờ tàm tiah do dê.

Tiến sĩ Phùng Thị Kim Huệ neh lơh geh g^t nđờ jơ\t broă lơh kơlôi sơnơng bơh kấp càr tus kấp dà lơgar mờ yal rlau 20 jơnau yal khoa học tàm prang sră ba\o tàm lơgar mờ dunia. Pa do, kung là Tiến sĩ Phùng Thị Kim Huệ neh ngui hìu ơm is he dê nàng crơng gơs Viện Kơlôi sơnơng pràn kơl dang să jan bơto bơtê Tây Nguyên, dong kờl kơnòm bơsram mờ ală cau khoa học in buơn boài rlau tai tàm broă kơlôi sơnơng khoa học.

Ală tơngume do là ală bơta lòt sền, kơ\p kờ` lam lơh. Tài bơh hơ\ là ală bơta sền mờ he go\\ tàm mpồl bơtìan tiah he ơm kis jal mhar mờ kờ` pal geh ngan, ndrờm ngui ală phan drơng broă tiah do in lơm. A` kơ\p kờ` là dong [òn lơgar he in bơtàu tơnguh.

Ală kuang bàng, cau ling Đội K52, Gah đơng lam ling klàng càr Gia Lai lơh kơnòl broă tàm lơgar Campuchia

Gùng lòt tàm pơr lòng, pơđơl lơh ngan lơi kung pal lòt gan uă bơta bòl glar kal ke, mơya tàm Gia Lai, Đội K52, Gah đơng lam ling klàng càr Gia Lai lơh uă ngan cau pal hòr dà mat tài bơh g^t nđờ jơ\t nam sùm lòt jòi cau ling bal. Lơh jat kơnòl broă uă ngan tàm lơgar gơ\p bơyô Campuchia, tiah ơm sa, ơm rlô bơh Đội dê uă ngan geh lơh tàm brê, halà ală phụm, sóc gơ wèt tiah kơh bơnơm. Bơta phan sa dà hùc kal ke ngan, uă tiah gam jơng kah wơl [ồm mền, dà khih hóa học, den pal kong mờ ală phan brê jà` bơsak, bơs khih mờ ală dơ\ kòp sốt rét. Thượng tá Nguyễn Xuân Toản, Kuang atbồ Đội K52 đơs:

Sơlơ ngai broă jòi sơlơ kal ke ngan. Ngai lài gam geh bal sră wăc sềr tiah  tơ\p [ồc bơh sơn rờp den gam buơn. Nđờ nam rềp ndo, sră wăc sềr ờ gam tai, ală wa neh kra bloh, 2,3 nă den ờ gam kah tai tài bơh tơngai sơr lèt gan mhar ngan bloh.

Tu\ do, Gia Lai geh 34 jơi bơtìan kòn cau ơm kis bal. Tàm hơ\, mờr ngùl là làng bol kòn cau. Tàm 5 nam pa do, làng bol ală jơi bơtìan tàm tiah do dê lơh ngan, dùl nùs bal tă pơgồp dà kơl hề, bồ tơngoh, phan bơna nàng bal mờ gơ\p bơt bơtàu ală srơh tàm pơr lòng kờ` gơboh dà lơgar. Ală srơh bè “Gia Lai sơm bat tê bal bơt bơtàu [òn lơgar pa”, “Gia Lai sơm bat tê bal tài cau r[ah, ờ go\ lời cau lơi gơtìp lời wơl bơh ngkời”, “Mpồl lơh sa kă bro Việt Nam mut gơ rờm bal bơtàu tơnguh”, “Kuang bàng, công chức, viên chức lơh jat bơta niam chài tiah lơh broă”… neh pơgồp bơnah dong bơta lơh sa- mpồl bơtìan tiah do dê tam gơl niam ngan, tam gơl muh mat bơh uă [òn lơgar, rài kis làng bol dê geh tơnguh uă.

Ồng Trần Tiến Đức, Kuang atbồ Mpồl tàm pơr lòng pà khà jờng càr Gia Lai dê pà g^t, tàm tơngai pơn jat tai, srơh tàm pơr lòng kờ` gơboh dà lơgar bơh càr dê lơh jat tơngume “Tam klăc bal, lơh jat kơrnoat boh lam, geh kơnòl, bơceh pa tàm pơr lòng bơt bơtàu Gia Lai pas pràn mờ niam chài” nàng lơh jat ală kơnòl broă tàm tơngai pa.

Tàm tơngai bol he pal lơh jat kơnòl broă dùl dơ\ le\ bal là broă lơh rcang sơn dră kòp mờ lơh niam wơl, bơtàu tơnguh lơh sa- mpồl bơtìan. Den tàng bè hơ\, lơh jat srơh tàm pơr lòng dờng mờ dà lơgar lam lơh, den bol he pal tơr gùm tàm ală srơh tàm pơr lòng wèt rê tàm kơnă hơ đơm, bơsong di tu\ ală bơta kal ke kòl yan, bơta gơlik geh bơh kơnă hơ đơm, bol  he pal bơto pơlam, rề ơnàng ală krơh niam, pơn rơ jạk nàng lơh bơnàng jă rề ơnàng ală srơh, broă lơh niam rề ơnàng tàm srơh tàm pơr lòng.

Broă ngui bơta bơceh pa bồ tơngoh tàm pơr lòng kờ` gơboh dà lơgar mờ bơta tam klăc bal tàm tơngai pa neh dong làng bol mờ gơnoar atbồ càr Gia Lai dê lơh jat niam ală srơh tàm pơr lòng, pơgồp bơnah bơtàu tơnguh lơh sa- mpồl bơtìan tàm tiah do dê.

            Cau cih Nguyễn Thảo- Cau blàng K’Hạnh