VOV4.K’ho – Ngai 13/03, càr Gia Lai pà gi\t, kờp tus ngai 10/03, trồ prang soăt dà neh lơh aniai hoàc hươr mờr 100 tơmàn priă. Jơnau El Nino pràn ngan rlau jơh tàm pơgăp 60 nam do neh lơh càr Gia Lai pal ko\ng mờ bơta trồ prang soăt dà dờng ngan, mờ jat Anih yal tơngi\t lài trồ tiah dà ia tiah Tây Nguyên dê yal, là jơnhoa ngan rlau jơh tàm pơgăp 40 nam rềp ndo. Neh geh rlau 11.300 lồ chi tam tàm Gia Lai gơtìp trồ prang soăt dà lơh aniai. Pơgăp 2 rbô hìu làng bol tàm 2 kơnhoàl Krông Pa mờ Cư\ Sê ờ geh dà ngui sa uă ngan. Tềng đap bơta trồ prang soăt dà dờng ngan, ồng Võ Ngọc Thành kuang atbồ Anih duh broă làng bol càr Gia Lai mờ ồng Kpă Thuyên kuang jat jơng atbồ anih duh broă làng bol càr Gia Lai bal mờ ală gah sơnah lơh broă tàm càr neh lòt sền, đơng lam ală kơnhoàl, ntum geh broă lơh sền gròi dong kờl, pleh jơnau làng bol gơtìp jơgloh tơhìr. Càr Gia Lai kung neh geh Kơrnoat yal trồ prang soăt dà mờ rềs àr trồ tiah lơh aniai kơnă 1 pơyua tus Kuang gơs gơnăp gơnoar atbồ hơđang rlau jơh dà lơgar in.  

Cau cih mờ yal tơngi\t- Lơ Mu K’ Yến