VOV4.K’ho – Nam 2016, càr Gia Lai geh jơnau kờn lơh geh priă bơh tăc phan mờ lơgar ndai là 400 tơlak dolar Mỹ (gơguh 29% pơndrờm mờ nam 2015). Mơya, tàm 2 nhai bồ nam 2016 do, priă geh bơh tăc phan mờ lơgar ndai mìng geh 57 tơlak dolar Mỹ lơm (ndrờm mờ 14% broă rơndăp lơh, gơmù 11% pơndrờm bal dùl tu\ mờ nam 2015). Jat ồng Nguyễn Tấn Thành kuang jat jơng atbồ Gah Kă bro mờ lơh sa mờ măy mok càr Gia Lai, yal: broă tăc kơphê mờ lơgar ndai gơtìp kal ke, khà priă kau su kung gam gơ ơm tàm khà lơyah ngan là jơnau tờm lơh aniai tus broă tăc phan mờ lơgar ndai bơh càr dê. Nàng gơtùi chul chồl broă lơh tăc phan mờ lơgar ndai bơtàu tơnguh jat broă lơh jo\ jòng, càr Gia Lai geh sơlơ lơh uă rlau tai broă lơh hòi jà kă bro, dong mpồl lơh sa kă bro ală broă lơh jòi drà kă bro, sền dờng màng tơnguh jơnhoa cồng nha broă lơh yal tơngi\t jơnau đơs lài mờ lơh pràn lơh tam gơl sră nggal, lơh [ươn ală sră nggal gơ wèt tus mờ broă lơh tăc phan mờ lơgar ndai.

Cau cih mờ yal tơngi\t- Lơ Mu K’ Yến