VOV4.K’ho- Mho ngai 01/02, Mpồl đơng lam rơcăng sơndră kòp Covid-19 càr Gia Lai yal ngan ngồn bè cau kòp dơ\ 7 tàm càr mờ là dơ\ 2 tàm kơnhoàl Krông Pa bal mờ tu\ tơngai lòt rê bơh 2 nă cau kòp do dê. Mpồl đơng lam rơcăng sơndră kòp Covid-19 càr Gia Lai yal, ală cau lơi neh lòt tus ală anih bơtờp kòp geh yal, tàm ală tu\ jiơ neh yal, mhar yal mờ anih lơh sơnơm rềp ngan rlau jơh in nàng geh bơto pơlam.

Mpồl đơng lam rơcăng sơndră kòp Covid-19 kơnhoàl Krông Pa neh jòi bàn geh 20 nă cau F1. Tàm hơ\, 1 nă cau neh geh ai ơm yah ngài kham sơm kòp, 19 nă cau ai ơm yah ngài tơrgùm bal. 61 nă cau F2 gam ơm yah ngài is tàm tiah ơm kis. Kơnhoàl neh rơcăng sir 4 tiah ơm yah ngài tơrgùm bal, bơta pràn ai 1 rbô nă cau in ơm; rơcăng tiah sơm kòp bal mờ 10 nơm jơnờng piam kòp.

Cau mblàng Lơ Mu K’Yến