VOV4.K’ho – Tơngai lài, ală anih priă jền dong kờl cau rơbah càr Gialai neh rơcang mut lơh ală kơ nòl ai càn priă kuơ màng, cribơyai di tu\ càr, kơnhoàl in, jàu rơndap broă ai càn priă dipal mờ jơnau kờ` bơtàu tơnguh lơh sa – mpồl bơtiàn kung bè ai tơlik rơndap broă bơ song aniai bơh trồ prang dờng soat dà lơh gơbàn. Kờp tus jơh nhai 6, khà ai càn ală broă lơh ai càn priă dong kờl cau rơbah geh rlau 652 tơmàn priă, mờr 25 rbô dơ\ cau geh càn, gơguh 20% pơn drờm mờ 6 nhai bồ nam lài. Bè hơ\, kờp jơh khà jơngkah dồs gùt càr Gialai dê neh gơguh tus rlau 3 rbô 300 tơmàn priă. Ồng Nguyễn Đức Hoàng kuang jat jơng atbồ anih duh broă làng bol càr Gialai sồr ală tiah pal lơh ngan rlau tai nàng dong tai uă hìu nhă rơbah, hìu nhă làng bol kòn cau geh priă bơcri bơtàu tơnguh lơh sa, bơtàu tơnguh rài kis, mơkung tơrgùm mat ală hìu nhă càn priă gơtìp hoàc huơr tài trồ prang dờng soat dà pa do lơh aniai, yal mờ anih duh broă làng bol càr in nàng geh broă lơh dong kờl, bơ song di tu\ jat jơnau sồr.

             Cau cih mờ yal tơnggit K’ Duẩn.