VOV4.K’ho – Dong kờl nàng ală mpồl lơh sa bal geh càn priă bơh anih priă jền; crơng gơs kes priă dong kờl bơtàu tơnguh mpồl lơh sa bal; sơlơ pơgồp bal mblàng yal; bơto bơtê mờ tơnguh bơta chài lơh broă, cồng nha lơh broă mpồl lơh sa bal… là ală broă lơh geh ai tơlik tàm dơ\ lơh broă pa do đah Thường trực Tỉnh uỷ Gialai mờ kuang đơng lam bồ tam klac mpồl lơh sa bal càr. Tu\ do, gùt càr Gialai geh rlau 120 mpồl lơh sa bal. Mơya khà mpồl lơh sa bal lơh broă geh cồng nha ờ uă. Broă crơng gơs ală mpồl lơh sa bal pa gơtìp uă kal ke. Kuang đơng lam bồ càr Gialai sồr: càr pal geh broă dong kờl bơtàu tơnguh lơh sa bal, dong ală mpồl lơh sa bal tus bal mut lơh ală broă lơh, rơndap broă lơh sa kă bro. Bơyai lơh bơto bơtê, bơto pơlam, bơsram mờng chài ală mpồl lơh sa bal in. Mơkung chồl pràn tam klac tàm càr mờ bơdìh càr, sơlơ tơnguh rlau tai bơta pơgồp bal mờ ală gah, mpồl lơh broă kờ` bơsong bơta ù tiah, tă dia, dong kờl hòi jà bơcri priă kă bro, phan bơna, priă jền mờ cau lơh broă ai ală mpồl lơh sa bal in.

            Cau cih mờ yal tơnggit K’Duẩn