Lồi nam 2016, UBND càr Gialai ai gơnoar 16 mpồl lơh sa kă bro càr dê blơi bơh lơgar ndai rlau 300 rbô khối dơm chi bơh lơgar Campuchia. Bơh hơ\, tơnơ\ 9 jiơ pah mang, ală rơndeh pơndiang dơm chi kơnjơ\ ir gơ tàm jat tàm gùng dờng 19B hơ\sồng gùng rơndeh 14, lòt bơh kơnhoàl Đức Cơ gan [òn dờng Pleiku. Ală rơndeh pơndiang uă ir, kơnjơ\ ir mơya [uơn ngan lòt gan ală anih sền gròi bơh mpồl lơh broă geh gơnoar dê. Kờ` lơh loh broă do, mpồl cau ai tơnggit jơnau đơs bol a` neh lòt jat dùl mpồl rơndeh pơndiang dơm chi mờ sồr mpồl cảnh sát gùng lòt gam lơh kơnòl broă tàm gùng dờng 19B, gơl lòt gan xã Bàu Cạn sồr ơm ờ uă rơndeh nàng sền. Tơnơ\ hơ\, 2 mpồl kuang àng gùng lòt mờ thanh tra gùng lòt càr neh kân kơnjơ\ rơndeh kong goa geh bàng sồ 77H.5787, cồng nha là pơndiang kơnjơ\ ir tus 200%. Dơm chi rơndap ơn tàm rơndeh do uă mờ kơnjơ\ lơh thùng rơndeh sơging gơ lơh bè mờr gơ tă tơn. Jat ală cau kis tàm do, ală rơndeh pơndiang dơm chi khat bè lòt tràl sơbil ngan tàm gùng mờ gơ gơs là bơta aniai ngòt rơngơt ngan. Ồng Huỳnh Tấn Toàn, dùl nă cau ơm tàm xã Bàu Cạn, kơnhoàl Chư Prông, càr Gialai pà git: “Lòt gan den cau lơi kung bè hơ\ lơm, ngòt ngan, digơlan dơm chi gơ dùh klơn să he. Go\ pơndiang uă ir bè hơ\ cau lơi kung ngòt. A` kơp kờ` bơsong bè lơi nàng rơndeh ba` pơndiang uă ir, kơn jơ\ ir, ờ lơh aniai tus cau gùt dar, gàr niam ờ do ờ dă gùng lòt.”

Tàm tu\ gùng dờng 19B mờ gùng rơndeh 14 pơndiang dơm chi lòt gan uă ngan den gùng dờng 19 gơl lòt gan kơnhoàl Đak Pơ mờ thị xã An Khê; gùng dờng 25 gơl lòt gan kơnhoàl Phú Thiện mờ thị xã Ayun Pa bơh càr Gialai dê, rơndeh pơndiang tàu kơnjơ\ ir kung lòt gan uă ngan. Bulah đah mpồl lơh broă geh gơnoar tàm [òn lơgar mờ ală  mpồl lơh sa kă bro blơi phan bơh suơn sre neh ki\, hơpơrgon ờ blơi rơndeh pơndiang kơnjơ\ ir. Mơya broă ki\ jơnau pơrgon mìng geh lơh tàm sră, ai tàm ngan ngồn den ờ go\. Hìu mai\ lơh sơdàng An Khê gam tàm tơngai lơh broă uă bơh kàl lơh sơdàng nam do dê. Kờp bal pah ngai tàm do geh tus mờr 1 rbô dơ\ rơndeh pơndiang tàu. Bơh cồng nha kân hìu mai\ dê, jơh ală rơndeh ndrờm sơr lèt uă ir khà kơnjơ\ geh ai. Bulah bè hơ\, ồng Nguyễn Văn Hải, Phó kuang atbồ hìu mai\ lơh sơdàng An Khê, thị xã An Khê, càr Gialai kung gam đơs là: “Tàm tơngai lài, bol a` neh pơgồp bal mờ Thanh tra Sở Giao thông vận tải mờ ală gah lơh broă geh gơnoar mblàng yal mờ lam sồr làng bol pơndiang tàu di khà kơnjơ\ geh ai. Bal mờ hơ\, bol a` kung krà` cê tàm broă lơh glài rơndeh pơndiang kơn jơ\ ir, bol a` lơh sră lơh glài, bơh hơ\ yal ală gah lơh broă geh gơnoar in bơsong.”

Broă pơgồp bal bơsong rơndeh pơndiang kơnjơ\ ir jat jơnau yau bơh ồng Hảo dê pơlai là kung ndrờm mờ broă ki\ jơnau pơrgon lài hơ\ đah hìu mai\ mờ anih lơh broă dà lơgar, mìng đơs gời mơya ờ lơh. Rơndeh pơndiang tàu kơn jơ\ ir kung gam tàm jat mut tàm hìu mai\.

Mờ tàm tu\ rơndeh pơndiang kơn jơ\ ir gơlik geh uă bè hơ\ den anih sền gròi kơnjơ\ rơndeh pơndiang phan làm gah sồ 55 geh lơh tàm gùng dờng 19, gơl lòt gan thị xã An Khê den ờ lơh broă mờ neh tă sờr. Jat Đại tá Phạm Văn Uấn, Trưởng phòng cảnh sát gùng lòt, Kuang àng càr Gialai, broă ơm ờ pơgồp bal đah mpồl cảnh sát gùng lòt mờ Thanh tra gùng lòt tàm ală anih kân là jat jơnau đơng lam bơh Bộ Kuang àng mờ Bộ Giao thông Vận tải dê: “Tơnơ\ mờ tu\ sền wơl rơndap broă 12593 đah Bộ Giao thông vận tải mờ Bộ Kuang àng den kuang atbồ Kuang àng càr geh sră nggal sồr UBND càr hòi rê mpồl cảnh sát gùng lòt. Bơh ngai 6/3/2017, ngan ngồn mpồl cảnh sát gùng lòt bol a` lik bơh anih kân pơgồp bal đah Phòng cảnh sát gùng lòt mờ Sở Giao thông Vận tải.”

Ai jat ồng Nguyễn Trường Sơn, Phó kuang atbồ Sở Giao thông Vận tải càr Gialai, tu\ ờ gam bơta pơgồp bal đah cảnh sát gùng lòt mờ thanh tra gùng lòt den broă sền gròi kơnjơ\ rơndeh pơndiang phan gơbàn kal ke ngan. Thanh tra gùng lòt geh kân khà kơnjơ\ mơya ờ tơl gơnoar nàng sồr ơm rơndeh lơh tìs; ai cảnh sát gùng lòt geh gơnoar sồr ơm rơndeh tàm gùng den ờ geh kân nàng sền khà kơn jơ\ pơndiang. Ồng Nguyễn Trường Sơn pà git: “Tơnơ\ mờ tu\ mpồl kuang àng lik bơh ală anih kân khà kơn jơ\ den kung geh gơrềng. Tài mpồl thanh tra gùng lòt den ờ uă, den tàng dilah ờ ai tơl cau lơh broă den ală anih kân kal ke nàng gơtùi lơh broă wơl. Ai bè jơnau sồr ơm rơndeh tàm ală anih kân bè lơi den hơ\ là dùl tàm ală quy chế mờ Sở giao thông vận tải càr gam lơh ngan bơt bơtàu nàng dan UBND càr tơlik quy chế nàng bol a` gơtùi ai anih kân mhar lơh broă wơl.”

Broă sền gròi rơndeh pơndiang kơnjơ\ ir tàm càr Gialai bơh jo\ neh geh uă bơta ờ niam, ngan là tàm tơngai tơnhàu phan bơh suơn sre. Geh uă tềl tơnggo\ ờ niam tu\ rơndeh pơndiang kơnjơ\ ir [uơn lòt gan ală anih sền gròi, lòt tràl sơbil tàm ală gơl gùng. Mờ bơta do tu\ do sơlơ gơbàn uă rlau tu\ 2 mpồl thanh tra mờ cảnh sát gùng lòt ờ tam klac bal tai tàm broă bơsong rơndeh pơndiang kơnjơ\ ir.  

                     Cau cih mờ yal tơnggit K’Duẩn