VOV4.K’ho – Tơngkah 70 nam ngai cau ling sồt să, cau ling chơt màng, bal mờ gùt lơgar, ală càr Tây Nguyên neh geh ală broă lơh kuơ màng, ngan ngồn nàng mut lơh broă lơh kis git jơnau git adat. Tàm kơnhoàl tiah nhàr dà lơgar Đức Cơ, càr Gialai, tiah geh gal ală hìu nhă geh sră dong kờl bơh dà lơgar là cau kòn cau, gơnoar atbồ mờ ală mpồl ling neh geh ală broă lơh niam nàng lam sồr lơh uă hìu nùs nhơm, pơgồp bơnah cèng wơl chờ hờp ai uă hìu nhă in:

Rlau 1 poh do, hìu nhă ồng Rmah Phái mờ pơ ùr là Rahlan Hphyem, ơm tàm [òn Sung Le 2, xã Ia Kla, kơnhoàl Đức Cơ, càr Gialai sùm bềng lìu bơta chờ hờp. Là cau tờm cau ling chơt màng dê, hìu nhă ồng mò pa geh Kong ti 74, Binh đoàn 15 di Bộ Quốc phòng pơgồp bal mờ gơnoar atbồ tàm [òn lơgar lơh mờ jàu hìu nùs nhơm. Hìu ơnàng rlau 80 thơk vuông, dờng mờ kơ\ ngan, ala hìu ja, gle đơr mờ ồng mò neh ơm nđờ jơt nam do. Ồng Rmah Phái ngoh rơngac đơs: “A` dan ưn ngài Đảng, dà lơgar hơ\sồng Binh đoàn 15, Kong ti 74. A` ngoh rơngac ngan mờ bơta sền gròi hơ\. Tu\ do, a` geh hìu nùs nhơm dờng niam. A` dan ưn ngài ngan.”

Tàm [òn Ghè, xã Ia Dơk, kơnhoàl Đức Cơ, ùr bơklau ồng Rmah Bring mờ mò Puih Pó, ndrờm là ală cau lơh broă kac màng mờ là cau tờm cau ling chơt màng, kung ngoh rơngac ngan sơl. Neh rlau 40 nam, kờp bơh ngai tơngklàs, rê wơl hờ [òn lơgar, ùr bơklau ồng mò neh kis tàm hìu sèt, dềt mìng kàr hìu kù. Mờ kung bơh priă tă pơgồp bơh kuang bàng, cau ling, cau lơh broă, kong ti 74, Binh đoàn 15 neh lơh ùr bơklau ồng Rmah Bring in 1 nơm hìu pa. Ồng Bring pà git, 2 nă ồng mò neh iang nùs ngan. Ồng đơs: “A` chờ hờp ngan, ưn ngài ngan nùs nhơm ơh kòn sau, gơnoar atbồ mờ kong ti neh lơh a` in 1 nơm hìu nùs nhơm. A` ờ gam ngòt nhat mìu bè lài do tai. A` geh lơh ngan lam sồr kòn sau kis niam, sền gròi lơh broă, bơtàu tơnguh lơh sa.”

Jat Thượng tá Nguyễn Mạnh Cường, Bí thư Đảng uỷ, Phó kuang atbồ kong ti 74, Binh đoàn 15, mut lơh kơnòl lơh sa, sền gàr tiah nhàr dà lơgar tàm ală xã kal ke, kong ti git kơnòl he dê tus mờ [òn lơgar. Broă kis git jơnau git adat neh geh kuang bàng, cau ling, cau lơh broă kong ti dê mut lơh sùm tàm uă nam do. Mìng is tàm 5 nam do, kong ti neh lam sồr tă pơgồp tàm kes priă kis git jơnau git adat geh 2 tơmàn 300 tơlak priă, tă pơgồp mờr 2 tơmàn priă nàng lơh mờr 30 nơm hìu nùs nhơm. Thượng tá Nguyễn Mạnh Cường pà git: “Tàm ală nam do, tềng đap bơta đơng lam bồ bơh Đảng uỷ, mpồl atbồ kong ti neh mut lơh srơh kis git jơnau git adat dùl bă jrô ơnàng mờ geh cồng nha ngan ngồn. Tàm nam 2017, wèt tus tơngkah 70 nam ngai cau ling sồt să, cau ling chơt màng, kong ti neh tơr gùm tàm ală tơngume kuơ màng rlau. Bơyai lơh uă broă lơh bè lùp còp, pơn jờng, hơ\sồng ai geh broă lơh, dong ală hìu nhă geh sră dong kờl bơh dà lơgar, cau geh màng mờ dà lơgar gàr niam rài kis.”

Đức Cơ là kơnhoàl tiah nhàr dà lơgar bơh càr Gialai dê. Làng bol ală kòn cau tàm kơnhoàl neh geh uă tă pơgồp ai tus kac màng mờ cồng nha tàm broă tam lơh, sền gàr dà lơgar. Mut lơh broă lơh kis git jơnau git adat, kah ưn ngài ală hìu nhă geh màng mờ dà lơgar, nam lài kơnhoàl Đức Cơ tơlik jơnau kờ` lơh 53 nơm hìu pa, lơh niam 13 nơm hìu ndai. Kơnhoàl neh pơgồp bal mờ ală mpồl lơh broă, mpồl lơh sa kă bro, ngan là ală mpồl ling di Binh đoàn 15 bè Kong ti 74, kong ti 75, kong ti 72 nàng mut lơh. Tus tu\ do, broă lơh neh lơh jơh. Bal mờ hơ\, ală hìu nhă geh sră dong kờl bơh dà lơgar, cau geh màng mờ dà lơgar, kơnhoàl gam sền gròi uă tus broă ai geh broă lơh, dong làng bol gàr niam rài kis. Ồng Trịnh Văn Thành, Phó Chủ tịch UBND kơnhoàl Đức Cơ, càr Gialai pà git: “Ai geh broă lơh kơ\ kơljap, jo\ jòng cau geh màng mờ dà lơgar in den kơn hoàl kung neh bơto broă lơh ai cau tàm [òn lơgar in kung bè pơgồp bal mờ Binh đoàn 15 ai khi mut lơh công nhân tàm ală kong ti kau su. Tus tu\ do, ală cau geh màng mờ dà lơgar mờ cau tờm khi dê ndrờm geh broă lơh kơ\ kơljap mờ priă lơh geh kơ\ kơljap, geh bơta niam rài kis dimơ halà jơnhua rlau mờ bơta niam rài kis tàm [òn lơgar.”

Mờ bơta sơmbat tê bal bơh gơnoar atbồ, ală mpồl lơh sa kă bro mờ ngan là ală mpồl ling, broă lơh kis git jơnau git adat tàm kơnhoàl tiah nhàr dà lơgar Đức Cơ, càr Gialai gam geh mut lơh niam mờ uă broă lơh ngan ngồn. Hơ\ là ală phan pà geh kuơ ngan nàng kah ưn ngài ală hìu nhă geh sră dong kờl bơh dà lơgar, cau geh màng mờ dà lơgar tàm kơnhoàl di tơngkah 70 nam ngai cau ling sồt să cau ling chơt màng.

                                               Cau cih mờ yal tơnggit K’Duẩn