VOV4.K’ho- Drim òr 23/10, Hìu sơnơm Plai nùs Hà Nội pơgồp bal mờ Gah lơh sơnơm càr Gialai bơyai lơh bơto ngui măy mok reh gùng mhàm plai nùs geh bơta dong kờl ai Hìu sơnơm dờng càr Gialai in.

Dơ\ bơyai lơh tàm jàu bơto ngui măy mok reh gùng mhàm plai nùs geh bơta dong kờl

          Mờ ală măy mok mờ phan ngui lơh broă jak chài mờ pa ngan rlau jơh, ală cau lơh sơnơm neh mu\t lơh geh cồng nha 3 dơ\ reh gùng mhàm plai nùs. Do là 3 dơ\ reh geh bơta dong kờl gùng mhàm plai nùs bơh sơn rờp tàm càr do mờ ndrờm ờ go\ sa priă jền. Mờ cồng nha lơh geh do, càr Gialai là dùl tàm ală càr bơh sơn rờp bơh gùt lơgar dê mu\t lơh geh măy mok reh gùng mhàm plai nùs geh bơta dong kờl tơnơ\ rlau dùl nam ai cau lơh sơnơm lòt bơsram, crăp măy mok mờ bơto ngui măy mok bơta chài. Cồng nha lơh geh do pờ tơlik tu\ tơngai niam ai cau kòp in, ngan là cau kòp r[ah tàm càr geh sơm kòp mờ măy mok jak chài pa ngan rlau jơh bal mờ khà priă ờ uă.

Cau cih mờ yal tơngi\t- Lơ Mu K’ Yến