VOV4.K’ho – Anih duh broă làng bol càr Gialai pa geh Kơrnoat cih bè dong kờl sơntìl chi tam nàng lơh wơl broă lơh sa tàm tiah gơtìp aniai hoàc hươr bơh trồ prang tàm Kàl lơh sa mrềt prang nam 2015- 2016 (dơ\ I).

Jat hơ\, cau geh dong kờl là ală hìu bơnhă geh bă ù tam phan gơtìp aniai hoàc hươr tàm ù tiah càr dê. Gơ wèt mờ chi tam lơyah tơngai gơtìp aniai hoàc hươr (bè kòi, tơ ngời, phan tam ală bơta) geh dong kờl sơntìl jat jơnau kờn bơh làng bol dê; gơ wèt mờ chi tam jo\ tơngai ( tàm hơ\ geh kơphê, tiêu) den geh dong kờl mờ priă. Ai khà priă dong kờl, tàm hơ\: Gơ wèt mờ kòi ờs, kòi sơntìl pa gơtìp aniai hoàc hươr rlau 70% dong kờl là 2 tơlak priă dùl lồ kòi ờs mờ 3 tơlak priă dùl lồ kòi sơntìl pa; gơtìp aniai hoàc hươr bơh 30% tus 70% geh dong kờl 1 tơlak priă dùl lồ kòi ờs mờ 1 tơlak mờ nggùl dùl lồ kòi sơntìl pa. Gơ wèt mờ tơngời mờ phan tam ală bơta ndai, gơtìp aniai hoàc hươr rlau 70% geh dong kờl 2 tơlak priă tàm dùl lồ mờ gơtìp aniai hoàc hươr bơh 30% tus 70% geh dong kờl 1 tơlak priă dùl lồ. Gơ wèt mờ chi tam jo\ tơngai (kơphê, tiêu), gơtìp aniai hoàc hươr rlau 70% dong kờl 4 tơlak priă dùl lồ mờ gơtìp aniai hoàc hươr bơh 30% tus 70% geh dong kờl 2 tơlak priă dùl lồ.

Cau cih mờ yal tơngi\t- Lơ Mu K’ Yến