VOV4.K’ho- Tàm tơngai bơh nam 2016- 2020, jơh gùt càr Gialai lơh ngan ai 6800 nă cau lơh broă lòt lơh broă geh tơngai pơrgon tàm lơgar ndai. Do là jơnau geh yal tàm Pơrjum bơyai bè broă lơh ai cau lòt lơh broă hờ lơgar ndai bơh càr Gialai dê geh lơh tàm ngai 29/8 pa do. Kung tàm dơ\ pơrjum do, ală kuang bàng neh yal bàr pe bơta kal ke bè broă lơh ai cau lòt lơh broă hờ lơgar ndai, bè: bồ tơngoh gi\t sră bơh cau lơh broă dê ờ hềt uă, khà cau lơh broă lòt lơh broă hờ lơgar ndai pa do uă ngan là bơh ală mpồl lơh sa kă bro geh priă bơcri tàm lơgar Lào mờ Campuchia…Bơdìh hơ\ tai, sră nggal bơh cau lơh broă dê ờ hềt ndrờm bal lơh gơlik bơta kal ke tàm broă lơh sră nggal; càr ờ hềt geh broă lơh dong kờl is ai cau lơh broă lòt lơh broă hờ lơgar ndai in; broă lơh mblàng yal kung gam ờ hềt niam sơl…Nàng broă lơh ai cau lơh broă lòt lơh broă hờ lơgar ndai lơh geh cồng nha, ală tiah geh pơgồp bal mờ ală mpồl lơh sa kă bro nàng ai cau lòt lơh broă hờ lơgar ndai; mơkung atbồ niam nàng pleh jơnau digơlan cau lơh broă gơtìp cau pơrlồm.

Cau cih mờ yal tơngi\t- Lơ Mu K’ Yến