VOV4.K’ho- Jat jơnau yal bơh Anih priă jền dà lơgar càr Gialai dê, kờp jơh priă ai càn tàm ù tiah càr dê kờp tus lồi nhai 9 pa do là 61 rbô 650 tơmàn priă, gơguh mờr 11% pơndrờm mờ lồi nam 2015 mờ gơguh 21% pơndrờm bal dùl tu\ mờ nam lài. Tàm hơ\ priă ai càn mờ priă Việt Nam là 57 rbô 980 tơmàn; priă ai càn mờ priă lơgar ndai kờp jat priă Việt Nam là 3 rbô 670 tơmàn. Bulah ală anih priă jền tàm càr neh lơh ngan jòi cau càn priă nàng ai càn priă, mu\t lơh ală broă lơh ai càn priă jat jơnau sồr bơh Gơnoar atbồ lơgar mờ Anih priă jền Dà lơgar Việt Nam dê, kuơmàng là ai càn priă drơng bơtàu tơnguh lơh broă sa sươn sre, [òn lơgar, mơya gơguh tai ai càn priă tàm 9 nhai nam 2016 do rơ\p mìng lơh geh rlau 10% lơm. Khà gơguh tai do geh sền là lơyah pơndrờm mờ broă rơndăp lơh neh sồr lơh.

Cau cih mờ yal tơngi\t- Lơ Mu K’ Yến