VOV4.K’ho - Drim òr, ồng Nguyễn Nhĩ kuang jat jơng atbồ gah lơh broă sa mờ bơtàu tơnguh bòn lơgar, kuang atbồ đah sền gàr brê càr Gialai bal mờ mpồl lơh broă neh geh dơ\ lơh broă mờ anih duh broă làng bol kơnhoàl Đak Pơ bè bơta trồ prang soat dà gơlik geh tàm kơnhoàl.

Jat jơnau yal bơh Anih duh broă làng bol kơnhoàl Đak Pơ dê, kờp tus ngai 29/02, kơnhoàl geh 507 tàm khà 5 rbô 400 lồ chi tam ală bơta gơtìp aniai tài bơta trồ prang soat dà. Dà tàm ală bơtơt rơbòng dà, tơnau dơng dà, dà dờng, dà croh, tơnau tàm kơnhoàl ndrờm bè jơh ală gơ ơm tàm khà lơyah mờ hời rơ hời soat jơh. Bal mờ hơ\, bơta ờ tơl dà ngui gam gơlik geh tàm uă tiah. Tàm dơ\ lơh broă, mpồl lơh broă neh sồr kuang đơng lam bồ kơnhoàl Đak Pơ pal nhap nhar mờ rơcang lài rlau tai tềng đap ală gơlik geh ờ gơtùi kờp du\ lài bơh trồ tiah dê; gơ jat bè tơl bơta bơh tơl tiah dê mờ geh broă dong kờl dipal dilah trồ prang dờng soat dà ngai sơlơ kơn jơ\, pleh lời làng bol gơbàn jơ gloh, ờ tơl dà; mblàng yal bè broă ngui dà tềm pềr, dipal mờ sồr làng bol tam gơl chi tam dipal, ờ sih tam ală sơntìl chi tàm tàm ală tiah sùm gơtìp ờ tơl dà pah nam.

                                                       Cau cih mờ yal tơngi\t- K’ Duẩn.