VOV4.K’ho - Kòp mprơm gơlik mhàm gam gơbàn ua\ tàm càr Gialai mờ git nđờ rbô na\ cau gơbàn kòp mờ neh geh 1 na\ cau neh chơt.

            Jat trơ gùm kờp bơh  Anih tờm lơh sơnơm rcang lài càr Gialai, bơh bồ sơnam tus tu\ do, gùt càr geh cih dờp  di 1.300 na\ cau gơbàn kòp mprơm gơlik mhàm, gơguh mờr 15 dơ\ pơndrờm mờ bal tu\ mờ nam lài, tàm hơ\ geh dùl na\ kơnòm dềt  12 neh chơt. Tu\ do,  ala\  kơnhoàl, [òn drà, [òn dờng  càr dê neh geh cau gơbàn kòp mprơm gơlik mhàm.  Tàm hơ\ ala\ tiah gơbàn kòp  ua\ la [òn dờng Pleiku mờ ala\ kơnhoàl rềp bal bè Cư\ Sê, Cư\ Pưh,  Cư\ Prong, Ia Grai, Mang Yang mờ Đak Đoa. Tềng đap bơta do, Gah lơh sơnơm càr Gialai neh geh sra\ ngal lam sồr ala\ mpồl di gah lơh broa\ tơngguh broa\ lơh rcang sơndra\  sơndra\ kòp mprơm gơlik mhàm. Bác sĩ Rcom Manh atbồ gah sơm kòp Nhiệt đới, Hìu sơnơm dờng càr Gialai ai git:“Prau nhai bồ nam do, bol a` neh dờp geh 590 na\ cau kòp, la gal cau  ngan gơbàn kòp rlau jơh la nhai 5 nhai 6. Bo, a` geh ai jơh cau lơh broa\, phan bơna, jơ jờng piam kòp nàng lơh mbè lơi sơm kòp niam rlau jơh cau kòp  mprơm gơlik mhàm in. Mơ kung, geh dong mblàng tus cau hìu nha\ cau kòp,  tơl hìu pal geh lơh lài is gơsơt sơmac, kih dà nàng kơryan kòp prơm gơlik mhàm”.

                   Cau cih mờ yal tơnggit K’ Brọp