VOV4.K’ho – Kòp sồt mbùng gơtă nđias tàm phan ròng dờng tàm thị xã Ayun pa, càr Gialai gam gơlik geh kal ke, mờ git nđờ rhiang nơm phan ròng neh gơbàn kòp, ờ uă phan ròng neh chơt mờ pa gơlik geh tai dùl tiah pa geh kòp:

Jat Chi cục Thú y cà càr Gialai, tàm thị xã Ayun Pa pa geh dùl tiah geh kòp sồt mbùng gơtă nđias. Tiah geh kòp do di xã Chư Băh mờ 45 nơm kơn rồ bơh 23 hìu nhă làng bol di 3 [òn, geh ală tềl tơnggo\ mbùng hòr dà diau uă, gơ jrừ sơnò, nđias jơng gơtìp sồt mờ sang ờ bài sa.

Bè hơ\, kờp tus tu\ do, kòp sồt mbùng gơtă nđias tàm phan ròng dờng neh gơbàn wơl tàm 2 xã Ia Sao mờ Chư Băh bơh thị xã Ayun Pa dê, mờ rlau 550 nơm kơn rồ gơbàn kòp, gơguh mờr 20 dơ\ pơn drờm mờ lồi nhai 7, tu\ sền go\ tiah geh kòp sơn rờp. Tàm khà kơn rồ gơbàn kòp, geh 10 nơm neh chơt. Tàm tu\ hơ\, tàm thị xã Ayun Pa kung bè ală tiah rềp bal broă ròng phan gam jat broă lơh ờs mờng, git wă bè broă rơcang sơndră kòp bơ tờp ờ uă, den tàng kòp bơ tờp mhar ngan, pơhìn tus git nđờ rhiang rbô nơm kơn rồ bơh ală kơnhoàl rềp bal dê bè Phú Thiện, Kông Pa, Ia Pa. Ồng Dương Ngọc Thanh, Phó kuang atbồ Chi cục Thú y càr Gialai pà git: “Broă ròng phan tàm do den gam ờ hềt bơtàu tơnguh, uă ngan là kơnờm tàm bơta geh is, ting lềng khat gơboh den tàng broă bơyai lơh rơcang sơndră kòp bơ tờp tàm tiah do gơtìp uă kal ke. Mờ tu\ kòp bơ tờp gơlik geh, tài làng bol ting lềng den tàng kòp bơ tờp tus tiah ndai mhar ngan, broă sền gròi gơtìp uă ngan kal ke.”

Kờ` kơryan kòp bơ tờp uă, càr Gialai mờ thị xã Ayun Pa neh lơh ală anih sền gròi kòp ngai mang tàm ală gơl gùng bơh thị xã tus ală tiah rềp bal. Anih lơh sơ nơm phan ròng càr dê gam đal git tiah geh kòp, [ồm sơ nơm lơh kloh kòp, pơlam làng bol in broă tam cah is mờ sền gròi ală kơn rồ neh bơ tờp kòp. Gơwèt mờ ală kơn rồ chơt, sồr làng bol ba` lơh poac mờ cèng tơp jat jơnau pơlam.

Kờ` dong kờl broă rơcang sưndră kòp, Cục Thú y kung pa pà càr Gialai in 15 rbô dong sơnơm vaccine rơcang sơndră kòp sồt mbùng gơtă nđias type A mờ O (hơ\ là sơnơm vaccine 2 tàm 1). Mpồl kuang bàng thú y tàm ală kơnhoàl, thị xã tàm càr geh sồr tus thị xã Ayun Pa nàng dong kờl broă cit sơnơm vaccine, mut lơh ală broă lơh kơryan kòp. Càr neh tơr gùm cit sơnơm vaccine ai mpồl kơn rồ tàm gùt dar ală tiah geh kòp, lơh jơh broă cit sơnơm vaccine tàm ală sơnah [òn, xã bơh thị xã Ayun Pa mờ ờ uă xã rềp bal dê. Làng bol ală [òn gam lơh ngan pơgồp bal mờ gah lơh broă geh gơnoar nàng mut lơh broă rơcang sơndră kòp bơ tờp ai tus mpồl kơn rồ in. Ồng Rcom Rin, atbồ [òn Phu Ama Miơng, xã Ia Rtô, thị xã Ayun Pa, càr Gialai pà git:Tàm [òn geh mờr 60 hìu nhă ròng kơn rồ mờ khà kơn rồ ròng mờr 190 nơm. Kơn rồ gam gơtìp kòp lơh aniai den [òn bol a` ờ suk ngan, tài kòp bơ tờp kal ke ngan rơcang sơndră. Tu\ do, đah thú ý tus rơcang sơndră, cit sơnơm vaccine den [òn bol a` dê lơh jat niam ngan. Chờ hờp ngan, ưn ngài đah thú y neh dong [òn bol a` rơcang sơndră kòp bơ tờp.”

Bulah bè hơ\, jat Chi cục Thú y Gialai, mờ 15 rbô ding sơnơm vaccine là ờ hềt tơl nàng rơcang sơndră kòp sồt mbùng gơtă nđias tàm càr. Gùt càr tu\ do gam mờr 350 rbô nơm kơn rồ kung gam ờ hềt geh cit sơnơm vaccine do. Jơnau pơhìn bơ tờp kòp tus tiah ndai là uă ngan. Ồng Dương Ngọc Thanh, Phó kuang atbồ Chi cục Thú y càr Gialai pà git: “15 rbô ding sơnơm nàng bơyai lơh kơryan kòp, mờ mpồl kơn rồ càr dê tu\ do là 360 rbô nơm den ờ tơl. Bơta do gam gơtìp uă ngan kal ke. Bol a` gam pơnjat tai cribơyai mờ càr, dan Bộ Nông nghiệp mờ Phát triển nông thôn mờ Chính phủ pơnjat tai dong kờl sơnơm vaccine nàng cit, kờ` kơryan kòp tàm thị xã Ayun Pa.”

                                                            Cau cih mờ yal tơnggit K’Duẩn