VOV4.K’ho – Tây Nguyên neh mut tàm nhai mìu uă, dà tàm ală dà dờng, dà croh neh sơn đờm gơguh tih. Gơwèt mờ làng bol ờ uă xã tiah sar lơgar ngài bơh càr Gialai dê, broă lòt rê, lơh broă gan ală dà dờng, dà croh kung sơlơ kal ke rlau, ngan là tu\ pal lòt gan ală rbàng yồng ing, pơhìn uă bơta ờ suk. Mùl màl tàm xã tiah sar lơgar ngài Hà Tây, kơnhoàl Chư Păh, càr Gialai, là tiah mờ pah ngai geh git nđờ rbô nă cau pal lòt gan ală rbàng yồng ing:

Dà croh Đak Tờ Ve hòr gan xã Hà Tây, tam cah bă tiah bơh xã do dê gơs 2 bơnah. Tơngai do, dà croh neh gơguh tih, ală gùng dềt lòt gan dà dờng ờ gơtùi lòt tai. Làng bol kờ` tus ală tiah lơh broă sa mìng gam dùl gùng lơm là lòt gan ală rbàng yồng. Bulah bè hơ\, ală rbàng yồng ing, neh lơh uă nam den tàng pơhìn gơbàn uă ngan bơta aniai. Ồng Nghih, kòn cau Bơnhàr ơm tàm [òn Kon Sơ Lăng, xã Hà Tây, kơnhoàl Chư Păh, càr Gialai pà git: “Nhai mìu bè do mìng lòt rbàng yồng hơ\sồng gơtùi lòt gan dà croh. Rbàng kung neh yau, làng bol lòt rê kung ờ suk mờ ngòt ngan, mơya ờ git lơh bè lơi, kung pal lòt đau. A` kơp kờ` dà lơgar bơcri lơh rbàng kơ\ kơljap nàng làng bol in lòt rê ờ huan kal ke.”

Bal mờ bơta ờ suk bè bơta ngòt rơngơt bơh ală rbàng yồng ing neh yau, broă ờ geh ală rbàng kơ\ kơljap kung lơh rài kis làng bol xã tiah sar lơgar ngài Hà Tây kal ke ngan bơtàu tơnguh. Kal ke bè gùng lòt lơh phan bơna lơh gơs bơh suơn sre kal ke ngan pơndiang. Dilah tac phan bơna lơh gơs bơh suơn sre cau kă bro in neh gơtìp bơ klơn khà priă, g eh tu\ mìng gam gùl pơn drờm mờ tac tàm tiah drà. Mò Nhưt, kòn cau Bơnhàr, ơm tàm [òn Kon Sơ Lăh, xã Hà Tây, kơnhoàl Chư Păh đơs: “Jơh ală làng bol ndrờm lơh suơn, lơh mìr hờ bơ ti\ đah ne dà croh dê. Lơh jơh den kung ờ gơtùi pơndiang rê sơl. Tac cau in den khà priă lơyah ngan, den tàng lơh ngan kung mìng tơl sa mơ. Dilah lơh geh rbàng, lơh geh gùng lòt den làng bol he dê hơ\sồng gơtùi bơtàu tơnguh. Kơp kờ` ngan geh dà lơgar sền gròi.”

Hà Tây là xã tiah sar lơgar ngài bơh kơnhoàl Chư Păh, càr Gialai dê. Xã geh 9 [òn mờ mờr 4 rbô 500 nă cau, ndrờm bè jơh ală là kòn cau Bơnhàr. Tu\ do, xã gam 5 nơm rbàng yồng ing mờ geh tus 7 tàm 9 [òn pah ngai pal lòt gan ală rbàng yồng nàng tus tàm suơn mìr. Bơta ngòt rơngơt tu\ lòt gan rbàng yồng, kal ke bè gùng lòt là bơta ờ suk uă nam do bơh gơnoar atbồ mờ làng bol tàm xã uă nam do. Ồng Thao, kòn cau Bơnhàr, Chủ tịch UBND xã Hà Tây, kơnhoàl Chư Păh, càr Gialai pà git: “Rbàng yồng kal ke ngan tus mờ broă lòt rê làng bol dê. Gơwèt mờ priă jền, den xã ờ geh tơl priă jền nàng bơcri lơh. Kơp kờ` ală kơnă gơnoar atbồ sền gròi lài ngan bè rbàng, bơcri lơh làng bol in lòt rê nàng [uơn tàm broă lơh sa, dơ\ 2 là bơcri lơh gùng, ai tu\ do den kal ke ngan.”

Nhai mìu nhàc dà ko\ dà cò neh tus, mờ ală rbàng yồng ing neh yau, ờ geh bơta lơi gơtùi gàr niam tus mờ broă lòt rê bơh git nđờ rbô nă cau xã tiah sar lơgar ngài Hà Tây dê. Rlau mờ cau lơi jơh, làng bol tiah do gam kờ` ngan ală rbàng kơ\ kơljap nàng tơmù dimơ bơta ờ suk mờ geh bơta [uơn nàng bơtàu tơnguh lơh sa.