VOV4.K’ho- Ală ngai do, mpồl lơh broă geh gơnoar càr Gialai dê gam sơlơ lòt sền, gròi sền broă lơh gơlik, mờ kă bro, kờn gàr niam drà kă bro tàm dơ\ sa tềp bơhiàn Đinh Dậu nam 2017; tam dră mờ jơnau pồn phan, tơnguh khà priă, kă bro phan mờ lơgar ndai tìs mờ adat boh lam, phan ờ ngan ờ niam.

Tơngai do, ală anih ràng tăc phan, hìu ràng tăc phan, mpồl lơh sa kă bro tàm càr Gialai neh gơguh bơh 30 tus 50% phan bơna kă bro pơndrờm mờ ală nhai bè ờs nàng kờn lơh geh tơl phan kă bro tăc tàm dơ\ sa tềp bơhiàn Đinh Dậu nam 2017. Tàm jơh ală anih, hìu ràng tăc phan, broă lir sră cih mat khà priă phan bơna neh geh yal loh làng nàng cau ngui sa in [ươn sac rwah, dipal mờ jơnau kờn.

Nam do, uă bơta phan lơh gơlik tàm lơgar bal mờ khà priă dipal, phan bơna niam geh làng bol sac rwah. Bal mờ hơ\, kơnờm chính sách gàr niam khà priă drà kă bro tàm dơ\ sa Tềp, ală mpồl lơh sa kă bro, anih lơh sa càn geh priă dong kờl priă cồng tàm khà bơh 5- tus 6% den tàng khà priă ală bơta phan drơng sa tềp gơguh ờ uă pơndrờm mờ ală ngai bè ờs. Mò Phan Thị Thuỳ Dung, cau tờm hìu ràng tăc phan Thuỳ Dung, tàm gùng Nguyễn Văn Trổi, [òn dờng Pleiku, càr Gialai, pà gi\t:

Mpồl lơh sa kă bro den sùm sền dờng màng tus ală phan bơna niam ngan rlau jơh, ờdo ờdă ngan rlau jơh, lơh broă bal mờ ală kông ti lơh gơlik phan geh bơngă pin dờn nàng drơng làng bol tàm càr in. Dơ\ bàr là mpồl lơh sa kă bro geh bơta dong kờl bơh ală anih priă jền dê lơh geh tơl ală bơta ai càn priă bal mờ priă cồng ờ uă ngan rlau jơh nàng blơi phan bơna di rlau, drơng làng bol in”.

Drà kă bro phan drơng sa tềp tàm Gialai

Tài bơh phan kă bro gơguh uă, mpồl lơh broă geh gơnoar càr Gialai neh sơlơ lòt sền, gròi sền phan kă bro mờ drà kă bro. Bơh hơ\, kờn sền go\, kơryan mờ lơh glài di tu\ broă prăp pồn, pơndiang, kă bro phan kơryan, phan kă bro mờ lơgar ndai tìs mờ adat boh lam, phan ờ ngan mờ ală broă lơh pồn phan, kơ\p tơnguh khà priă tìs mờ adat boh lam. Ồng Lê Hồng Hà, Kuang atbồ Chi cục Atbồ drà kă bro càr Gialai, pà gi\t: broă lòt sền, gròi sền drà kă bro geh lơh mờ bơta pơgồp bal dùl ròt bơh uă anih lơh broă, mpồl lơh broă geh gơnoar ală kơnă tàm càr dê.

“Mờ rlau 100 nă kuang bàng bơh mpồl atbồ drà kă bro lơh kơnòl broă tàm jơh gùt càr den bè bơta kòn bơnus là kal ke ngan. Mơya, gơ jat tàm [òn lơgar mờ broă lơh mờ geh bơta tam pà mpồl cau gơ in dipal. Mơkung sơlơ tơnguh tai broă lơh pơgồp bal mờ ală mpồl lơh broă geh gơnoar ndai, bè kuang àng, anih lơh broă gah dia, sền gròi tă dia phan kă bro mờ lơgar ndai, cau ling sền gàr nhàr lơgar mờ ală gah broă ndai, bè đo kờp bơta niam nàng lơh niam kơnòl broă bal bơh [òn lơgar dê tàm broă gàr niam drà kă bro lồi nam, sền gàr cau ngui sa”.

Cau cih mờ yal tơngi\t- Lơ Mu K’ Yến