VOV4.K’ho- Tềng đap jơnau digơlan gơtìp dà ko\ dà cò, tơrlah ù, 60 hìu làng bol kòn cau Bahnar tàm [òn Plei Brang, ntum Đak Pling, kơnhoàl tiah sar lơgar ngài Kong Chro, càr Gialai dê neh geh cau ling mờ ơruh pơnu tàm [òn dong kờl ntrờn tus tiah ơm pa, ờdo ờdă lơngăp lơngai.

Àu sùh jơh tài bơh dà kơlhề, tê ìa kơ\ ngan mu\t pơng tơl nơm đing nàng lơh wơl hìu mờ mpàn ai dùl hìu làng bol in tàm [òn Plei Brang, ntum Đak Pling tàm tiah ơm pa, Đại uý Nguyễn Hoài Nam, Kuang jat jơng atbồ đơng lam Đảng Trung đoàn Bộ binh 1, Sư đoàn 2, Ling tiah 5, đơs:“Mờ nùs nhơm geh kơnòl uă ngan rlau jơh bal mờ lơh jat niam ngan nùs nhơm Cau ling Wa Hồ dê kung bè bơhiàn bơh Trung đoàn 3 dơ\ geh Đảng, Dà lơgar pồ pà mpồl ling Khin cha jak chài mpồl phàu crong làng bol, bol a` gi\t geh dong làng bol sơlơ gờn sơlơ niam, ntrờn ală hìu làng bol tus tàm tiah ơm pa kơ\ kơl jăp mờ mhar bè ờs rài kis gờn ngan rlau jơh”.

Cau ling dong làng bol lơh wơl hìu đam

Să tờm đơng lam broă lơh ntrờn làng bol tiah tơrlah ù, ồng Phan Văn Trung, Kuang atbồ Anih duh broă làng bol kơnhoàl Kong Chro, pà gi\t: bal mờ rlau 100 nă kuang bàng, cau ling tàm Trung đoàn Bộ binh 1, Sư đoàn 2, Ling tiah 5, di tàm dơ\ do, Gah đơng lam mpồl ling càr Gialai kung ai 30 nă kuang bàng, cau ling, kơnhoàl ai rlau 200 nă kuang bàng, ơruh pơnu tus dong làng bol. Lơh ngan jơh nùs bơh kơnhoàl dê là tàm pơgăp 10 ngai geh lơh jơh broă ntrờn 60 hìu làng bol bơh [òn Plei Brang dê tus tiah ơm pa ờdo ờdă lơngăp lơngai.“Kơnhoàl, càr kung neh gi\t do là tiah trồ tiah lơh aniai, tơrlah ù ngòt rơngơ\t sơbơng roh ngan. Nàng bơsong bơta do, geh bơta ai gơnoar bal bơh Mpồl đơng lam Đảng càr, Anih duh broă làng bol càr dê kung bè bơta lơh ngan jơh nùs bơh Mpồl đơng lam Đảng kơnhoàl, Anih duh broă làng bol kơnhoàl dê, tơngai lài, bol a` neh lơh broă lơh lam sồr, mblàng yal làng bol nàng ntrờn jơh 60 hìu làng bol lik bơh tiah trồ tiah lơh aniai, tơrlah ù. Bơh hơ\, kờn sền gàr niam rài kis ai làng bol in tàm nhai mìu dà ko\ dà cò”.

Jơh ală broă ndrờm geh lơh jal mhar ngan

Làng bol kòn cau Bahnar tàm [òn Plei Brang ơm kis bơh uă rài do tàm bơnơm Kong H’noi, tiah rềp nhàr bal đah tiah ring mờ tiah kơh bơnơm bơh 3 càr: Gialai, Bình Định mờ Phú Yên. Jat bơhiàn bơh jo\ rài, làng bol sùm ơm kis rềp kềng dà dờng dà croh nàng [ươn ai dà ngui. Mơya, bơhiàn do tu\ do ờ gam dipal tai tài bơh brê tàm bơnơm neh gơtìp koh kơl mờr jơh, tàm nhai mìu dà ko\ dà cò, làng bol tìp uă ngan jơnau pơhìn digơlan gơtìp dà ko\ dà cò, tơrlah bơnơm. Ồng Đinh Blơnh là cau kra [òn, nam do neh rlau 80 sơnam, pà gi\t: nam 2009 lài do, dùl dơ\ dà ko\ dà cò dờng geh bal tơrlah ù neh gơhoài jat bal uă ngan ù lu\ bơh tềng hơđang bơnơm gơ dùh tus tàm [òn. Kờp bơh tu\ hơ\, pah nam mu\t tàm nhai mìu dà ko\ dà cò, làng bol kơlôi rơcang ngan. Tus tu\ do, geh cau ling, gơnoar atbồ tiah do mờ ơruh pơnu tus dong kờl làng bol ntrờn tus tiah ờdo ờdă lơngăp lơngai, ồng Đinh Blơnh, chờ hờp ngan mờ đơs bè do:“Tus ngai dơ\ poh, gơnoar atbồ tiah do lam sồr làng bol lòt ntrờn tus tiah ơm pa. Tơngai hơ\, kung ờ geh bơta lơi hoàc hươr bè kòn bơnus sơl, mìng gơtìp hoàc hươr bè phan bơna lơm gời. Mìu dờng, càl pràn, dà ko\ dà cò, tơrlah ù, geh dùl nă klau pơnu kung gơtìp dà cò pơr dô mơya bơtuah ngan tài bơh gi\t re dà den tàng neh klàs geh. Bè bơta gơnoar atbồ lam sồr làng bol lòt ntrờn tus tàm tiah ơm pa, den cau lơi kung chờ hờp lơm, ờ go\ geh jơnau muăt jrùm, gơ jran nùs ờ. Tiah ơm pa kơ\ kơl jăp, ờdo ờdă lơngăp lơngai rlau mờ geh Dà lơgar bơcri priă mờ kơ\ kơl jăp rài kis, pràn kơldang rlau”.

Tàm tiah ơm pa, ngài mờ [òn yau rlau 500 kơi sồ là dùl tiah ring niam ngan. Tơl hìu geh pà 480 meccare ù ơm mờ geh dong kờl 20 tơlak priă nàng ntrờn. Bè jo\ jòng, kơnhoàl Kong Chro geh bơcri priă tơl ală broă lơh ngui tàm rài kis làng bol dê, bè lơh đèng, gùng lòt, hìu sơnơm, hìu bơsram, dà ngui sa ai làng bol in.

Ngài mờ [òn yau pơgăp 500 thơk mờ jơh ală broă ndrờm lơh mờ jơng tê lơm

Ồng Đinh Văn Miêu, Kuang atbồ [òn Plei Brang, đơs tờm: geh tiah ơm ờdo ờdă lơngăp lơngai, ờ gam kơlôi rơcang dà ko\ dà cò, tơrlah ù tai, làng bol tàm [òn geh lơh ngan lơh sa mờ bơtàu tơnguh rài kis hìu bơnhă. “Tu\ do là bè do, mìng is [òn bol a` ntrờn tus tiah ơm pa tài bơh tơrlah ù pơhìn tus màng kis tàm [òn yau, a` dan hơ geh sền gàr ai làng bol he dê in lơh sa kơ\ kơl jăp, bơtàu tơnguh rlau mờ lài do. Mờ bơta ntrờn den ờ geh bơta lơi gơtìp kòl yan kal ke ờ. Jơh ală 60 hìu dùl nùs bal tus tiah ơm pa lơh sa kơ\ kơl jăp, ờdo ờdă lơngăp lơngai ờ gam kơlôi rơcang ngòt mìu càl dà ko\ dà cò mờ tơrlah ù tai”.

Uă nam kis tềng hơđang bơnơm jơnhoa mờ ko\ng mờ jơnau pơhìn digơlan gơtìp dà ko\ dà cò, tơrlah bơnơm, tus tu\ do, làng bol [òn Plei Brang, ntum Đak Pling, kơnhoàl Kong Chro, càr Gialai neh geh tiah ơm pa ờdo ờdă. Do là gùng dà broă lơh dipal, di tu\ bơh gơnoar atbồ tiah do dê kờn sền gàr niam ờdo ờdă màng kis mờ kơ\ kơl jăp rài kis ai làng bol tàm tiah pơhìn ngòt rơngơ\t, digơlan gơtìp tơrlah ù in. Bơh broă lơh dong 60 hìu bơnhă kòn cau Bahnar tàm kơnhoàl Kong Chro, càr Gialai tus tiah ntrờn ơm kis pa kơ\ kơl jăp, dùl dơ\ tai pà go\ rùp să “Cau ling Wa Hồ” mờ làng bol sơlơ tam klac bal đềt mềr rlau tai.

Cau cih mờ yal tơngi\t- Lơ Mu K’ Yến