VOV4.K’ho - Ồng Dương Văn Trang, kuang geh jơng tàm mpồl Đảng dà lơgar, kuang atbồ mpồl đơng lam Đảng càr Gialai pa geh pồ wơl lơh kuang atbồ mpồl duh broă ala mat làng bol càr Gialai kơnă 11, tơngai lơh broă bơh nam 2016 tus nam 2021 tàm dơ\ te\ khà pơrjum dơ\ 1 mpồl duh broă ala mat làng bol càr Gialai geh bơyai lơh drim òr, 28/6. Bal mờ broă pồ ală gơ noar broă tàm mpồl duh broă ala mat làng bol, anih duh broă làng bol, pơrjum dơ\ 1 mpồl duh broă ala mat làng bol càr Gialai kơnă 11 lời tu\ jiơ nàng sền cồng nha mut lơh kơnòl lơh sa mpồl bơtiàn 6 nhai bồ nam mờ broă mut lơh kơnòl 6 nhai lồi nam; broă rơcang sơndră sa kuề sa kùa, tam dră cau tìs; broă bơsong jơnau yal yă, yal khài mờ jơnau dan bơh cau te\ khà dê. Tàm pơrjum dơ\ do, mpồl duh broă ala mat làng bol càr Gialai sền sơwì nàng ringbal ờ uă sră yal kuơ màng gơ rềng tus bơcri priă tàm gah bơto bơsram, lơh sơ nơm, sền gàr tiah kis, bơt bơtàu phan bơna.

                  Cau cih mờ yal tơnggit K’ Duẩn.