VOV4.K’ho – Ngai òr, 17/2, Mpồl kuang bàng sền gròi Quốc hội dê bơh ồng Phan Xuân Dũng, kuang geh jơng tàm mpồl Đảng dà lơgar, kuang geh jơng Ủy ban Thường vụ Quốc hội, Chủ nhiệm Ủy ban Khoa học, công nghệ mờ tiah ơm kis lơh kuang atbồ mpồl neh lòt sền gròi tàm càr Gialai bè broă mut lơh broă lơh, adat boh lam ờ do ờ dă phan sa. Lơh broă mờ mpồl sền gròi, kuang đơng lam bồ càr Gialai pà git, tơngai bơh nam 2011 tus nam 2016, Gialai geh 30 dơ\ khih phan sa mờ rlau 1 rbô nă cau gơtìp khih, 5 nă cau chơt. Kung tàm tơngai do, Gialai neh bơyai lơh rlau 2 rbô dơ\ lùp sền, sền gròi mờ git go\ 1 rbô 400 dơ\ anih lơh tìs, priă lơh glài mờr 3 tơmàn 500 tơlak priă. Ala mat mpồl lơh broă, ồng Phan Xuân Dũng sồr càr Gialai chồl pràn broă yal tơnggit, mblàng jơnau nàng tơnguh git wă bơh ală anih lơh gơlik, kă bro phan sa kloh niam; sơlơ lùp sền, sền gròi, lơh glài krà` ală anih ngui phan ờ geh ai ngui tàm broă ròng phan, tàm broă lơh gơlik phan sa; chul chồl mờ geh broă dong kờl bal tàm broă ròng, tam phan mờ lơh gơlik phan sa ờ do ờ dă; pơnjat tai mut lơh ală broă lơh tơr lòng lài, broă lơh gơguh jak, mut ngui công nghệ cao bè ờ do ờ dă phan sa.

        Cau cih mờ yal tơnggit K’Duẩn