VOV4.K’ho-Sa tềp Đinh Dậu 2017 mờr tus rềp ngan. Tơngai do, ală dơ\ `ô sa, ală dơ\ sa chờ hờp geh lơh uă rlau. Den tàng bè hơ\, khà cau neh `ô ơlak bìer lòt rê tàm gùng kung gơguh uă sơl. Do là dùl tàm ală jơnau tờm lơh gơlik rềs àr gùng lòt gơguh uă tàm dơ\ sa tềp.

Ală ngai mờr tus rềp mờ ngai sa tềp, Mpồl bơsong jơnau lơh tìs khà angkol gơ wèt Phòng Kảnh sát gùng lòt- Kuang àng càr Gialai sơlơ lơh tai kơnòl broă tàm ală gùng lòt bơh [òn dờng Pleiku dê. Geh uă ngan cau lơh tìs jơnau pal jat bè khà angkol tu\ măy rơndeh lòt rê tàm gùng. Tàm khà hơ\, geh uă cau kơldang bồ, ờ lơh jat jơnau sồr sền gi\t khà angkol bulah geh ală jơnau gơ tơngo\ `ô bơ`ul ir.

Geh cau, bulah ai mpồl lơh broă geh gơnoar in sền gi\t mờ pà go\ cồng nha lơh tìs den cau măy rơndeh kung geh sơl tơl jơnau kờn dong să jan he in. Dùl nă cau măy rơndeh dờng, geh cồng nha sền angkol tàm nhơm tă mờr 0,5 mili gràm tàm 1 li\t nhơm tă, pơndang wơl tu\ gơtìp lơh glài:

“~ô ơlak bìer tu\ măy rơndeh là tìs, a` gi\t sơl là tìs. Geh uă jơnau tàm broă do. Ai he tìs den he pal dờp broă tìs mơya a` sền go\ a` kung gam gơtùi măy sơl rơndeh lòt rê tàm gùng den a` hơ\ sồng măy”.

Să tờm đơng lam Mpồl bơsong jơnau lơh tìs khà angkol bơh Phòng kảnh sát gùng lòt- Kuang àng càr Gialai dê, Đại uý Nguyễn Thành Chung, cau atbồ mpồl do pà gi\t, sơlơ mờr tus ngai sa tềp, khà cau lơh tìs jơnau pal jat bè khà angkol sơlơ uă. Mìng tàm pơgăp 2 nhai ai cau lòt lơh broă tàm dơ\ lơh glài khà lơh tìs angkol, mpồl neh ku\p mờr 300 nă cau, lơh glài pơgăp 800 tơlak priă. Bulah khà priă lơh glài tu\ do là jơnhoa ngan, mơya, jơnau gi\t wa\ bơh cau măy rơndeh lòt rê tàm gùng dê kung gam ờ hềt geh gơ tam gơl uă sơl. Đại uý Nguyễn Thành Chung, pà gi\t:

Tàm tơngai lài, den tàm ù tiah do bơta rềs àr gùng lòt kung gam gơlik geh kal ke sơl, kuơmàng là bơta cau `ô ơlak bìer lơh gơlik rềs àr gùng lòt. Den tàng bè hơ\, mpồl kuang atbồ mờ kuang đơng lam bồ anih lơh broă do neh crơng gơs mpồl lơh broă krơi is sùm lơh glài lơh tìs khà angkol. Tàm ală tu\ bơsong, bol a` neh sền uă dơ\ rơndeh ngan. Kuơmàng là geh cau geh nùs nhơm ờ lơh jat, ờ bài dờn, ờ niam nùs mờ broă sền, sền gròi bơh mpồl kảnh sát gùng lòt dê. Bol a` pal ngui ală jơnau đơs bơto tơngkah, jà nàng lơh kơnòl broă gơ in niam rlau”.

Ai tàm dơ\ pơrjum pa do bơh Ủy ban Nhân dân càr Gialai dê bè mu\t lơh ală kơnòl broă nam 2017, uă ngan là tàm dơ\ sa tềp Đinh Dậu tus do, Mpồl ờdo ờdă gùng lòt càr neh yal khà tơrgùm kờp pal sền ngac ngan. Mìng tàm 5 ngai bồ nam 2017, jơh gùt càr Gialai neh geh 7 dơ\ rềs àr gùng lòt lơh 8 nă cau chơ\t mờ 7 nă cau gơtìp sồt să. Pơndrờm bal dùl tu\ bơh nam 2016 dê, den neh gơguh 2 dơ\, 3 nă cau chơ\t mờ 5 nă cau gơtìp sồt să. Ală dơ\ rềs àr gơlik geh uă ngan là rơndeh mô tô mờ tàm ală gơl gùng lòt tàm [òn.

Tàm hơ\, pal sền ngac ngan là dơ\ rềs àr gùng lòt gơbàn tàm xã Ia Băng, kơnhoàl Đak Đoa, 2 nơm rơndeh mô tô pơndiang 5 nă cau, jơh ală cau do ndrờm ờ go\ ndau sơgơn gàr bồ tam tơm gơp neh lơh 2 nă cau chơ\t tơn tềng hơ\ mờ 3 nă cau gơtìp sồt să. Jơnau do pà go\ jơnau gi\t wa\ bơh làng bol dê bè broă ndau sơgơn gàr bồ tu\ lòt rê tàm gùng là ờ hềt jak chài ngan.

Bal mờ hơ\, jơnau kuơmàng ndai geh đơs là broă `ô ơlak bìer tu\ lòt rê tàm gùng. Ồng Nguyễn Hữu Quế, Kuang atbồ Sở Gùng lòt pơndiang phan càr Gialai mơkung là Pho\ kuang atbồ mpồl lơh broă sùm Mpồl ờdo ờdă gùng lòt càr Gialai, pà gi\t:

“Bơh lòt sền jơh ală dơ\ rềs àr gùng lòt gơlik geh tus tàm tu\ do den uă ngan gơbàn bơh 7 jiơ mang tus 22 jiơ mang. Mờ uă ngan gơbàn rềs àr là tài bơh cau măy rơndeh mô tô tơm cau lòt jơng tàm gùng. Geh ală cau neh chơ\t den tàng ờ gơtùi sền gi\t là `ô ơlak bìer sơl halà ờ, mơya sền go\ là pơgăp tàm tu\ jiơ hơ\, gùng den ờ geh cau, mơya dilah lòt là tơm cau lòt jơng, ờ gơtùi gi\t geh khà rơndeh ntoăt răt den tàng digơlan là `ô ơlak bìer là jơnau ngan ngồn”.

Cau cih mờ yal tơngi\t- Lơ Mu K’ Yến