VOV4.K’ho - Wèt tus tơng kah 91 nam ngai sra\ bao\ kac màng Việt Nam (21/6/1925-21/6/2016), mpồl cau lơh bao\ càr Gialai geh bơyai lơh   ua\ ngan broa\ lơh geh pơnrơ, nàng lơh geh bơta  chờ hờp bơh ngai chờ  gah lơh bao\ kac màng Việt Nam mờ jờng ala\ bơta kuơ bơh cau lơh bao\.

            Jat rơndap broa\,  mho  ngai 20/6, Mpồl cau lơh bao\ càr Gialai bơyai lơh tìp mat tơl làm 175 na\ cau tàm mpồl nàng tơng kah wơl bơhìan rài   lơh bao\ kac màng Việt Nam mờ bơhìan lơh bao\ bơh càr dê. Do la dơ\ cri bơyai gùng dra\ bal mờ broa\ lơh bơh mpồl cau lơh bao\ tàm càr, lơh geh  dơ\  chờ hờp pơr lòng tàm tơl làm cau tàm mpồl nàng bơtàu tơngguh ơnà gùng dra\ bal,  kơnòl mpồl bơtìan, broa\ lơh cau làng bol mờ ơnà broa\ lơh kờ` di pal la cau ling lam lài tàm  gah gùng dra\ bal, nùs nhơm bơh Đảng. Di tàm tu\ do,  Mpồl cau lơh bao\ càr bơyai lơh  dờp geh Gai lòng lơh broa\ khà 3 bơh kuang atbồ lơgar Việt Nam jàu pà. Bal mờ hơ\, Mpồl cau lơh bao\ càr geh bơyai lơh tơnjơh  mờ jàu khà jờng lơh bao\ càr dơ\ V-2016.

                   Cau cih mờ yal tơnggit K’ Brọp