VOV4.K’ho – Jat kong ti TNHH MTV ngui broă lơh bơ tơt rbòng dà Gialai, tơngai lài, jơh ală tiah tàm càr neh geh mìu, khà mìu jo\ jòng dong ală tơnau bơ tơt rbòng dà drơng broă lơh sa suơn sre in. Uă tơnau dơng dà dờng tu\ do gam pờ mpồng yuh dà nàng tơmù khà dà tàm tơnau kờ` gàr tơl niam tơnau dơng dà in. Mìng is ală tơnau ờ geh van pờ, den dà gơ hòr lìu is. Tu\ do, kong ti gam pơnjat tai sền gròi ală gơlik geh bơta trồ tiah dê nàng bơsong dà yuh gơ in dipal mờ bơta dơng dà drơng lơh sa kàl mrềt prang mờr tus in.