VOV4.K’ho-Tàm xã Ia Glai, kơnhoàl Cư\ Sê, càr Gialai pa gơlik geh broă mpồl lơh sa kă bro phan lơh gơs bơh sươn sre gơtìp gơkòl dồs lơh nrơ\t ndơl mpồl bơtiàn, tu\ priă jền tơrgùm kờp bơh sơnrờp gơguh tus rlau 50 tơmàn mờ gam pơn jat tai gơguh uă. Gi\t nđờ rhiang nă làng bol gam kơlôi rơcang, ờ suk ơm ngan. Ală broă lơh tìs, broă digơlan gơtìp aniai tàm tu\ ky\ pơyua phan lơh gơs bơh sươn sre neh geh tơngkah sùm, tơngkah uă dơ\ ngan tu\ do gơlik geh tai tàm broă do.

Ală ngai do, tàm trồ tiah tơngai duh tơ àl ngan, ồng Nguyễn Văn Tiến bal mờ gi\t nđờ jơ\t nă làng bol ngai lơi kung ơm kơ\p sùm tềng đap mpồng hìu mu\t tàm mpồl lơh sa kă bro Sáu Đào, [òn Vườn Ươm, xã Ia Glai, kơnhoàl Cư\ Sê. Tàm nùs nhơm kơlôi rơcang ờ suk ơm ngan, ồng Tiến pà gi\t, jơh ală phan lơh gơs bơh sươn sre lơh geh tàm kàl pa do, tàm hơ\ geh 8 tạ kơphê gar mờ 3 tại mờ nggùl gar tiêu ndrờm ky\ pơyua jơh tàm Mpồl lơh sa kă bro Sáu Đào. Tu\ do, mpồl lơh sa kă bro do gơtìp gơkòl dồs, hìu bơnhă ồng gơtìp ơm tàm rài kis mpàng tê soh lơm. Ồng Nguyễn Văn Tiến, muat jrùm đơs:

“Jơh ală jơtài phan bơna ky\ pơyua tàm do, den tu\ do gơlơh kơlôi rơcang ờ suk ơm ngan tài bơh bơcri lơh sa wơl ờ geh priă jền, priă ròng siam oh kòn lòt bơsram kung ờ geh sơl. Kung kơ\p kờn ngan jơh ală gah lơh broă geh gơnoar, ală anih lơh broă ală kơnă tus dong kờl, lơh bè lơi nàng làng bol ai wơl bơnah lơi den di đau bơnah hơ\, mờ tu\ do den bol a` kung ờ go\ gi\t lơh bè lơi sơl?”.

Ồng Nguyễn Đức Mùi, kis tàm [òn 1, xã Ia Hlốp, pà gi\t: Lài do ồng ky\ pơyua phan lơh gơs bơh sươn sre tàm dùl đại lý tàm tiah tờm kơnhoàl Cư\ Sê/ Bàr pe nam rềp ndo, ală đại lý tàm tiah tờm kơnhoàl Cư\ Sê gơtìp gơkòl dồs uă ngan, den tàng kàl pa do, ồng ky\ pơyua kơphê tàm Mpồl lơh sa kă bro Sáu Đào, gơ ơm rềp hìu, kung là anih he quèng sơl. Cau mờ gi\t là, pa pơyua dùl êt ngan den neh gơlik geh tơn jơnau gơkòl dồs. Ồng Nguyễn Đức Mùi, pà gi\t:

“Pơyua tàm do là pơyua dơ\ sơn rờp, lời tus tu\ lơi khà priă gơguh jơnhoa den tăc, mơya cau mờ gi\t là gơlik geh wơl jơnau bè do. Tu\ do, cau lơi kung muăt jrùm lơm, roh uă ngan! Làng bol lơh broă sa bòl glar ngan, mờ ờ go\ di là pas sơm lơi ờ. Tu\ do den là neh rơngòt ngan, dùl dơ\ bè do là neh jê đà ngan. Tơnơ\ do ờ go\ ky\ pơyua tai, pik rê tăc ris tơn”.

Jat ồng Nguyễn Văn Đạo, Trưởng Kuang àng xã Ia Glai yal, lài do, mpồl lơh sa kă bro Sáu Đào lơh broă niam ngan mờ geh bơngă ngan tàm tiah do. Mơya, 3 nam rềp ndo, mpồl lơh sa kă bro do geh bàr jơnau tơngo\ ờ niam lơh xã pal pơyua jơnau tơngkah lài làng bol in:

“Pơgăp mờ do 3 nam, tàm mò Đào do, kơno yal là mò hơ\ geh lơh broă bal tàm công ty đa cấp. Bơh hơ\ geh ală bơta ờ niam. Oh mi kuang àng, pơgăp mờ do 3 nam neh yal làng bol in gi\t là ờ go\ di ai mò Đào in jồm sổ đỏ”

Pơlai ngan là, jơnau tơngkah bơh xã Ia Glai dê pơgăp mờ do 3 nam ờ hềt tơl cơng tàng nàng lơh làng bol in dờn. Tàm tu\ hơ\, mpồl lơh sa kă bro Sáu Đào neh di tu\ lơh he in rùp să bơh dùl mpồl lơh sa kă bro dờng, song dơ pă. Ală jơnau lơh pơrlồm hơ\ neh lơh jơngo mat ờ mìng làng bol tàm xã lơm gời ờ mờ gam geh bal ală xã gùt dar mờ tus tơn tàm [òn dờng Pleiku sơl.

Mpồl lơh sa kă bro Sáu Đào gơtìp gơkòl dồs

Kờp tus mho ngai 10/4 pa do, geh rlau 120 nă làng bol bal mờ 2 ngân hàng neh tus Kuang àng kơnhoàl Cư\ Sê yal ală bơnah priă kung bè phan lơh gơs bơh sươn sre ky\ pơyua mờ ai càn tàm mpồl lơh sa kă bro Sáu Đào. Kờp jơh priă jền gơguh tus rlau 50 tơmàn. Tàm hơ\, mìng is 2 ngân hàng ling klàng mờ ngân hàng Công thương geh anih lơh broă tàm [òn dờng Pleiku neh ai mpồl lơh sa kă bro do in càn priă gơguh tus 14 tơmàn.

Mò Ngô Thị Đào, cau sùm tus lơh ală dơ\ lơh broă kă bro bơh mpồl lơh sa kă bro dê, neh dô bơh tiah do. Mò Đào lời wơl dùl pang sră pơyua bơklau in, cih bè do: tài bơh lơh sa hoàc hươr gơlam tus gơkòl dồs. Bơklau mò Đào là ồng Ngô Đình Giai, cau dờp lơh cau tờm mpồl lơh sa kă bro kung neh pơyua jơnau yal gơtìp gơkòl dồs tus mờ gơnoar atbồ xã mờ pà gi\t, jơh ală broă kă bro ndrờm bơh pơ ùr ồng dê lơh den tàng tu\ pơ ùr dô, den ờ gi\t lơh bè lơi. Tu\ do, ồng Giai kung neh lòt tiah lơi kung ờ go\ gi\t sơl.

Tài bơh cau tờm mpồl lơh sa kă bro ờ geh mat, anih prăp phan lơh gơs bơh sươn sre ờ geh dùl bơta phan lơi, jơh ală phan bơna ndrờm bè thàn prăp mpồn, den tàng làng bol ờ suk ơm ngan, bàr pe nă cau duh nùs geh broă lơh ờ niam. Ồng Nguyễn Đức Phí, Chủ tịch Ủy ban Nhân dân xã Ia Glai pà gi\t: gơnoar atbồ mờ gah lơh broă geh gơnoar gam jà làng bol, gàr niam bơta lơngăp lơngai tàm [òn lơgar:

“Ală cau dùl nă să is, hìu bơnhă geh phan ky\ pơyua mờ Mpồl lơh sa kă bro Sáu Đào den khi geh ă broă lơh geh tu\ là duh nùs ir lơh rlau mờ bơta ai gơnoar. Mơya, xã neh sồr Kuang àng xã pơgồp bal mờ Kuang àng kơnòl gàr niam tiah do, kơryan ờ ai ală cau lơi tus lơh aniai phan bơna bơh mpồl lơh sa kă bro dê. Mờ xã neh geh sră nggal sồr ală [òn pơyua jơnau yal tus mờ ală hìu bơnhă geh phan ky\ pơyua tàm Mpồl lơh sa kă bro Sáu Đào den pal mhar lơh sră yal mờ xã in nàng kờn gi\t mờ tơrgùm kờp”.

Bè hơ\, jơnau gơtìp gơkòl dồs bơh mpồl lơh sa kă bro phan lơh gơs bơh sươn sre Sáu Đào dê tàm xã r[ah Ia Grai, kơnhoàl Cư\ Sê gơlik geh ờ go\ krơi dùl êt lơi pơndrờm mờ ală dơ\ gơtìp gơkòl dồs đại lý phan lơh gơs bơh sươn sre lài do tàm Tây Nguyên sơl. Làng bol cèng phan lơh gơs bơh sươn sre tus ky\ pơyua mờ dờp wơl sră pơ àr cih mờ tê halà [ươn [oài mìng là ky\ tàm sră lơm. Tơnơ\ hơ\, kờn tăc kàr lơi den tus hờ mpồl lơh sa kă rbo ai priă mờ ky\ dờp.

Làng bol ky\ pơyua phan lơh gơs bơh sươn sre mờ bơta pin dờn; ai mpồl lơh sa kă bro den khat gơboh ngui phan lơh gơs bơh sươn sre bơh làng bol dê mờ ờ geh bơta rồn bơklơn lơi. Tu\ gơlik geh jơnau gơkòl dồs, anih prăp phan bơh mpồl lơh sa kă bro dê neh ờ geh dùl phan bơna lơi. Ală phan bơna gam wơl, uă ngan là sră sổ đỏ, bơtuah ngan mìng tơl nàng ală ngân hàng ai wơl dồs dùl bơnah lơi. Ai cau lơh broă sa, lơh broă glar bòl ngan gơtìp tơngai jroh tơngai sa, roh jơh phan bơna bơh he dê mờ ờ geh broă lơi nàng gơtùi lùp ai wơl. Ală broă lơh tìs, broă ờ niam tàm ky\ pơyua phan lơh gơs bơh sươn sre tàm Tây Nguyên kung gam sùm bè hơ\ gơlơh bè kòp ung thư kơn jơ\ ngan, bàr pe poh halà bàr pe nhai hòi tai mat dùl mpồl lơh sa kă bro, gơ jat bal gi\t nđờ rhiang nă cau bòl glar kal ke!

Cau cih mờ yal tơngi\t- Lơ Mu K’ Yến