VOV4.K’ho – Nàng rơcang lài sơndră mờ ală bơta ồs sa bơrtoh gơlik geh tàm dơ\ sa tềp, ală mpồl lơh broă geh gơnoar càr Gialai gam rơcang lài mut lơh ală broă lơh rơcang sơndră ồs sa mờ mblàng yal tơnguh git wă làng bol in.

Ală ngai mờr sa tềp do, ală mpồl lơh broă geh gơnoar càr Gialai gam sơlơ tơnguh mut lơh broă lơh rơcang sơndră mờ crùh ồs sa. Tàm hơ\, mìng is mpồl kuang àng rơcang sơndră ồs sa sùm gàr tơl geh 100% cau lơh broă. Tàm ală anih tờm kă bro, drà, anih [uơn gơlik geh ồs sa, ală mpồl sền gàr geh tơnguh rlau tai, gàr niam broă sền gàr jơh mang ngai. Càr Gialai kung neh dong kờl git nđờ tơmàn priă nàng ală mpồl lơh broă geh gơnoar in blơi tai ală phan bơna crùh ồs sa nàng rơcang lài tu\ gơlik geh ồs sa. Đại tá Dương Thanh Bình, kuang atbồ cơldu\ cảnh sát rơcang sơndră, crùh ồs sa mờ dong kờl rềs àr, kuang àng càr Gialai pà git, sa tềp sùm gơlik geh ală dơ\ ồs sa dờng, den tàng, bơdìh mờ bơta rơcang lài bơh mpồl lơh broă geh gơnoar, git wă rơcang sơndră mờ crùh ồs sa bơh làng bol mờ mpồl lơh sa kă bro dê là kuơ màng ngan.

                                                         Cau cih mờ yal tơngit K’ Duẩn.