VOV4.K’ho - Tàm Daklak, bal mờ git nđờ jơt rbô lồ chi tam gơbàn ờ geh dà tuh tài bơh trồ prang geh pơhìn chơt roh jơh, ờ geh  tơnhàu  den gam geh di pơgap rlau 24 rbô hìu nha\ ờ geh tơl dà ngui sa ua\ ngan. Jat Gah lơh broa\ sa mờ bơtàu tơngguh [òn lơgar càr dê, kàl lơh sa prang nam do, gùt càr Daklak neh koh tơmù  gam lơh di 5 rbô lồ kòi sre, mơya tu\ do gam di 70 rbô lồ chi tam gam gơbàn ờ geh dà u\a ngan, tàm hơ\ geh ua\ ba\ ù gơbàn sang gời. Bơta kờ` bè khà dà tuh gam kờ` ngan, bal mờ broa\ ờ tơl dà tuh chi tam in, làng bol tàm ala\ kơnhoàl tiah sar lơgar ngài bơh càr bè kơnhoàl Cư\ Mgar, Buôn Đôn, Krông Buk, Krông Năng gam ờ tơl dà ngui sa ua\ ngan neh pal lòt bơ\ dà ngài hala blơi dà nàng ngui sa. Nàng  geh bơta lơh niam wơl bơh trồ prang lơh aniai mờ dong kờl ala\ hìu nha\ tàm tiah kal ke bè dà ngui,  ala\ gah lơh broa\ geh gơnoar  càr dê gam  nhap nhar mut lơh ala\ broa\ lơh sơndra\ prang dong kờl làng bol.

                   Cau cih mờ yal tơnggit K’ Brọp