VOV4.K’ho - Pơrjum kuang bàng gùt lơgar dơ\ 12 bơh Đảng neh lơh geh cồng nha niam bơne\. Dơ\ pơrjum neh ring bal kơrnuat,  tàm hơ\  geh ala\ gùng, bơsong ala\ broa\ lơh bơtàu  tơngguh lơh sa-mpồl bơtìan 5 nam tus. Tơnơ\ dơ\ pơrjum,  ala\ cau kuang drờm geh lơh ngan gùng dra\ bal jơnhua nàng ai kơrnuat geh mut tàm rài kis,  lơh ngan  gờ` ai dà lơgar he bơh sơnrờp gơ gơs la dùl dà lơgar jat gùng bơt bơtàu pa dà lơgar.

            Kơrnuat bơh dơ\ pơrjum Đảng dơ\ 12 geh ai git broa\ lơh tờm jơh  tàm 5 nam tus la tơngguh bơt bơtàu Đảng sàng goh, kơljap pràn, bơtàu tơngguh atbồ mờ bơta pràn tam lơh bơh Đảng, lơh geh ròt gùng dra\ bal pràn kơljap, chồl guh bơta pràn jơi bơtìan mờ lơh tờm xã hội chủ nghiã, chồl pràn tơl làm dơle\ bal dơ\ tam gơl pa, lơh ngan ai dà lơgar he geh bơh sơnrờp  gơs la lơgar lơh jat may mok pa bơt bơtàu dà lơgar pa, lơh kràn ngan sền gàr geh ngap lơngai is lơh tờm, sền gàr Đảng, sền gàr dà lơgar, sền gàr rài xã hội chủ nghĩa. Kơrnuat kung geh ai tơlik ala\ broa\ lơh,  khà broa\ lơh nền nòn bè bơtàu tơngguh lơh  broa\ sa, pria\ geh kờp bal tơl na\ cau, khà ngui dơ\ pria\ dà lơgar ua\ ir,  khà  tơmù rbah mờ ala\ broa\ lơh geh kuơ mpồl bơtìan. Ồng Nguyễn Văn Du kuang geh jơng lơh broa\ Đảng dà lơgar dơ\ 12, kuang atbồ đơng lam Đảng càr, mờ la kuang atbồ Mpồl duh broa\ ala mat  làng bol càr Bắc Kạn geh đơs tờm, ai bơh bơrnàng ja\ ala\ khà broa\ lơh, khà broa\ lơh nền nòn ai tơlik tàm pơrjum  kơrnuat dơ\ 12 bơh Đảng, mpồl  duh broa\ Đảng mờ làng bol càr Bắc Kạn geh mut lơh nền nòn tơl tơnggu me nàng geh mut lơh:“Lài jơh tus do,  bol a` geh kơnòl broa\ lơh geh mblàng jơh nú snhơm bơh kơrnuat pơrjum đảng dơ\ 12 bơh cau geh Đảng tus mờ mpồl duh broa\ Đảng làng bol ala\ kòn cau càr Bắc Kạn  tàm bơt bơtàu  broa\ lơh geh  ai bơyai lơh niam ngan kơrnuat bơh  Dơ\ pơrjum Đảng dơ\ 12 gùt lơgar. Nàng geh lơh niam broa\ lơh  bơh mpồl duh broa\ Đảng  càr  di pal mờ broa\ lơh, broa\ lơh bơh kơrnuat pơrjum Đảng gùt lơgar dơ\ 12 ring bal mờ geh lơh ngan tai mờ bơta lơh ngan bơh  sa\ tờm geh lơh ngan bal mờ  Mpồl duh broa\ Đảng dà lơgar atbồ, lam sồr dà lơgar he bơtàu tơngguh bè lơh sa mpồl bơtìan mờ gàr niam sền gàr ngap lơngai dà lơgar”.

            Ồng Lê Đìng Sơn kuang geh jơng tàm mpồl duh broa\ Đảng  dơ\ 12, atbồ đơng lam Đảng càr Hà Tĩnh geh đơs: Kơrnuat bơh pơrjum dơ\ 12 bơh Đảng neh ai gùng broa\  lơh nàng gờ` ai lơgar he geh gơ gơs la lơgar lơh sa mờ ma\y mok pa jat gùng bơtàu tơngguh pa ngan. Mpồl duh broa\ Đảng làng bol càr Hà tĩnh geh ai bơh bơta ring bal, geh lơh ngan mo bơh ala\ nhai bồ nam nàng gờ` ai kơrnuat pơrjum dơ\ 12 bơh Đảng geh gơ mut tàm rài kis:“Sra\ nggal bơh dơ\ pơrjum geh rcang nền nòn ngan, tơl ngan, tơl bồ tơnggoh jak, geh ai go\ bơta lơh ngan jơnhua mờ tam gơl pa tàm tơngai lơh broa\ do. Ngan la geh broa\ lơh kuơ màng gờ` ai lơgar he gơs lơgar lơh sa ma\y mok pa, bơtàu tơngguh pa dà lơgar mờ Hà Tĩnh bol a` gam lơh  jơnhua ngan bơh broa\ lơh bơt bơtàu  lơh sa pa. Hà Tĩnh geh lơh gan tus nam 2020 bơtàu tơngguh mhar rlau jat gùng bơt bơtàu pa lơh sa mờ ma\y mok pa mờ bol a` geh pal mut lơh geh broa\ lơh do”.

            Ua\ cau kuang geh geh đơs jơnhua ala\ sra\ nggal bơh dơ\ pơrjum dơ\ 12, ngan la broa\ lơh tàm bơtàu tơngguh lơh sa mpồl bơtìan tàm 5 nam tus tàm ala\ tiah làng bol kòn cau, tiah nhàr lơgar, tiah geh ua\ ngan bơta geh is kal ke. Ồng Bùi Văn Tỉnh kuang geh jơng mpồl duh broa\ Đảng dà lơgar dơ\ 12, kuang atbồ đơng lam Đảng càr Hoà Bình ai git, mờ broa\ lơh bơh dùl càr tiah kơh bơnơm gam ua\ ngan kal ke, nàng  mut ngui kơrnuat pơrjum 12 bơh Đảng, càr Hoà Bình geh dong lơh phan bơna, bơtàu tơnguh lơh broa\ sa la tờm ngan nàng chul chồl sang sơbì jơgloh tơmù rbah:“Bol a` geh lơh broa\ lơh, broa\ lơh nền nòn nàng geh mut lơh jai kơrnuat pơrjum 12 bơh Đảng kung bè kơrnuat pơrjum 16 bơh mpồl duh broa\ Đảng càr, ngan la sền kuơ tàm broa\ lơh bơt bơtàu Đảng, bơtàu tơngguh lơh sa mpồl bơtìan, lơh pràn tam gơl  rơndap  broa\ lơh sa, ai broa\ lơh sa la tờm ngan nàng chul chồl  sang sơbì jơgloh tơmù rbah”.

            Jat ồng Vương Quốc Tuấn, mpồl kuang bàng càr Bắc Ninh: Nàng lơh geh broa\ lơh jat kơrnuat bơh pơrjum  ai tơlik la gờ` chồl guh dà lơgar he gơ gơs la dùl lơgar lơh  jat  bơtàu tơnggu ma\y mok pa ngan, den gùt Đảng, gùt làng bol geh pal lơh ngan rlau tai. Dùl tàm ala\ bơta ai go\ ngan la kờ` pal sền gròi tus broa\ tơngguh bơta pràn is bơh geh is tờm ngan bơh rài lơh sa, bơtàu tơngguh khoa học công nghệ, sền do la broa\ lơh tờm ngan tàm bơta lơh pràn bơt bơtàu lơh sa mờ ma\y mok pa dà lơgar:“Kờ` geh ala\  broa\ lơh geh bơtàu tơngguh broa\ lơh sa mờ ma\y mok dong kờl ai tus cau la mpồl lơh sa ka\ bro mut lơh di rài lơh sa is lơh geh bơta pràn lơh geh mat sơnđan dà lơgar bơh  mpồl lơh sa ka\ bro nàng geh tam pơr lòng. Dơ\ 2 la sền gròi tus broa\ lơh sa sươn sre, cau lơh broa\ sa [òn lơgar, rài kis bơh làng bol mờ bơsong geh, ai geh broa\  lơh dùl ba\ kơljap”.

            Ala\ cau kuang geh  ai git la, lơh kràn kơrnuat pơrjum 12 bơh Đảng kung bè  gờ` lơh geh ala\ broa\ lơh, broa\ lơh nền nòn geh la ala\ broa\ geh mpồl duh broa\  Đảng, làng bol  ala\ càr, [òn dờng mut lơh broa\ lơh nàng mhar geh ai kơrnuat bơh Đảng geh gơ mut tàm rài kis.

                             Cau cih mờ yal tơnggit K’ Brọp