VOV4.K’ho – Drim ngai 5/6, tàm Hà Nội, Bộ Lao động – Thương binh mờ Xã hội pơgồp bal mờ Ủy ban chul chồl mờ sền gàr gơnoar cau ùr mờ kơnòm dềt mpồl ASEAN, Mpồl gơnoar cih ASEAN mờ ală lơgar geh jơng tàm mpồl ASEAN bơyai lơh Pơrjum pờ tơlik tơn tàm internet bè ală broă lơh sền gàr mờ rơcang sơndră tam lơh tam pờng tàm hìu bơnhă gơ wèt tus cau ùr mờ kơnòm dềt tàm tơngai gơbàn kòp Covid-19.

Dùl tàm ală broă geh ai tơlik là tàm tơngai ơm rlô tài bơh kòp Covid-19, kơnòm dềt kung pal bơsram tàm internet den tàng geh jơnau pơhìn gơtìp sơ gràm mờ lơh aniai tàm internet gơguh ua\ tus mờ ală oh. Ală oh digơlan gơtìp pơn jồ tam pà ală jơnau tơnggit mờ rùp hin să tờm, [uơn gơtìp aniai mờ digơlan gơtìp sơ mờm tàm mạng xã hội. Jơnau gơ lời wơl là ală oh digơlan go\ bàs sìl, ờ geh bơta pin dờn halà geh tu\ gơ sơt is să. Jat mò Nguyễn Thị Ý Duyên, ala mat Kes pria\ kơnòm dềt Liên hợp quốc đơs, jơnau gơ lời wơl bơh tam lơh tam pờng dê ờ mìng lơh aniai tus kơnòm dềt mờ hìu bơnhă mờ gam lơh gơ rềng ờ niam tus gùt mpồl bơtìan.

Cau mblàng K’Duẩn