VOV4.K’ho - Jơnau yal bơh anih duh broa\ ờ do ờ da\ gùng lòt dà  lơgar ai go\,  tàm 3 ngai ơm dơ\ lơh chờ Duh kah bơtau Hùng (Bơh ngai 16 tus 18/4/2016), gùt lơgar neh gơlik geh 83 dơ\ gơbàn rềs àr gùng lòt,  lơh 63 na\ cau chơt,  cau sồt sa\ tus 56 na\ cau. Dơ\ gơbàn rềs àr aniai ngan gơlik geh tàm gùl bơnang mang ngai 17/4, tềng ù tiah gơl gùng Đinh Lễ, Phú Lộc 4, [òn dờng Lạng Sơn, càr Lạng Sơn. Tàm tu\ gơbàn  aniai hơ\,  rơndeh taxi Tam Gia geh bàng sồ 12A-034.93, rơndeh 5 kơghe\ nggui, pơndiang 4 na\ cau neh gơ dùh tàm tơnau mờ lơ\ làng. Geh lơh 4 na\ cau tàm  rơndeh chơt. Gơbàn geh bơta do, jat jơnau đơs bơh sơnrờp, bơh rơndeh lòt tàm gùng kue, cau ma\y rơndeh ờ jai kong bơta rat rơndeh. Kung tàm 3 ngai ơm  rlô chờ, mpồl lơh broa\ kảnh sát gùng lòt gùt lơgar neh bơsong rlau 2.900 na\ cau gơbàn tìs ờ do ờ da\ gùng lòt, ta\ tàm kes pria\ dà lơgar rlau 582 tơlak pria\, kup ing 23 nơm rơndeh dờng, 324 nơm rơndeh ma\y. Gùng tàm dà  dơlam  dà lơgar bơsong 463 cau tìs, ta\ tàm kes pria\ dà lơgar  146 tơlak 800 rbô pria\.

                             Cau cih mờ yal tơnggit K’ Brọp