VOV4.K’ho – Drim òr 28-5, Gơnoar ala mat dà lơgar lơh broă tàm hìu pơrjum, iat sră yal mờ jơnau yal sền sơwì rơndap Adat lùp jơnau đơs làng bol mờ cribơyai bè ờ uă tơngume gam geh jơnau đơs krơi is bơh rơndap Adat phan geh is, tiah ơm kis dà lềng mờ bồt dà lềng. Bè rơndap adat lùp jơnau đơs làng bol, tàm dơ\ pơrjum do, Gơnoar atbồ lơgar dan jơnau đơs bơh Gơnoar ala mat dà lơgar dê bè ờ uă bơta gam geh jơnau đơs krơi is bè: Tơngume lùp jơnau đơs làng bol; Gơnoar lùp jơnau đơs làng bol; Cau geh gơnoar sồr lùp jơnau đơs làng bol; cồng nha lùp jơnau đơs làng bol; bơsong jơnau lah yă bè cồng nha lùp jơnau đơs làng bol. Bè cồng nha lùp jơnau đơs làng bol, ala mat anih sền sơwì Anih duh broă kơrnuat boh lam ringbal mờ rơndap broă sồ 1. Jat mờ hơ\, dơ\ lùp jơnau đơs làng bol dipal pal geh rlau gùl khà sră đùh dipal ringbal, den geh mblàng nàng mut ngui. Geh jơnau đơs đơs là, nàng gàr niam bơta dipal mờ adat boh lam bơh cồng nha lùp jơnau đơs làng bol, sồr Gơnoar ala mat dà lơgar pal tơlik kơrnuat dờp git cồng nha lùp jơnau đơs làng bol bơh Anih duh broă sùm Gơnoar ala mat dà lơgar yal.

                                                                                               Cau mblàng K’ Duẩn.