VOV4.K’ho – Pơn jat tai Pơrjum dơ\ 11, Gơnoar ala mat dà lơgar kơnă XIII, mho òr 6/4, Gơnoar ala mat dà lơgar lơh broă tàm hìu pơrjum iat yal cồng nha cribơyai tàm Mpồl bè broă ai tơn jơh at gơnoar broă Kuang gơs gơnăp gơnoar atbồ hơđang rlau jơh dà lơgar; iat ồng Trần Đại Quang kuang atbồ lơgar yal mblàng, iat kơno jơnau đơs tă pơ gồp bơh kuang bàng Gơnoar ala mat dà lơgar dê bè broă ai tơn jơh at gơnoar broă Kuang gơs gơnăp gơnoar atbồ hơđang rlau jơh dà lơgar. Tơnơ\ hơ\, Gơnoar ala mat dà lơgar mu\t lơh ai tơn jơh at gơnoar broă Kuang gơs gơnăp gơnoar atbồ hơđang rlau jơh dà lơgar bơh broă lơh đùh sră ndơ\p ndơr. Jat hơ\, mờ 418 sră ring bal tàm kờp jơh 487 nă kuang bàng Gơnoar ala mat dà lơgar geh mat tàm dơ\ pơrjum neh đùh sră ring bal ai ồng Nguyễn Tấn Dũng in tơn jơh at gơnoar broă Kuang gơs gơnăp gơnoar atbồ hơđang rlau jơh dà lơgar. Pơn jat hơ\, ồng Trần Đại Quang mblàng sră yal tơngi\t ồng Nguyễn Xuân Phúc kuang geh jơng Gah gùng dră bal dà lơgar, mơkung là Kuang jat jơng gơs gơnăp gơnoar atbồ hơđang rlau jơh dà lơgar nàng Gơnoar ala mat dà lơgar in pồ at gơnoar broă Kuang gơs gơnăp gơnoar atbồ hơđang rlau jơh dà lơgar. Tơngai gam wơl bơh dơ\ pơrjum [ùi mho, Gơnoar ala mat dà lơgar cribơyai tàm Mpồl bè rơcang kuang bàng pồ lơh Kuang gơs gơnăp gơnoar atbồ hơđang rlau jơh dà lơgar.

Cau cih mờ yal tơngi\t- Lơ Mu K’ Yến