VOV4.K’ho - Pơnjat tai dơ\ pơrjum dơ\ 11,  mho òr (25/3), Gơnoar ala mat dà lơgar geh iat  ồng Phùng Quốc Hiển kuang geh jơng anih lơh broa\ sùm Gơnoar ala mat dà lơgar,  kuang atbồ anih duh broa\ pria\ jền, pria\ jền dà lơgar bơh Gơnoar ala mat dà lơgar neh geh đơs jơnau yal tơnggit blàng yal, cih dờp,  geh lơh niam wơl rơndap adat ta\ dia tơlik tac phan mờ lơgar cau, ta\ dia tơmut phan mờ lơgar cau tam gơl mờ geh cri bơyai bè ờ ua\ tơnggu me gam geh jơnau đơs krơi is bơh rơndap adat.

            Jơnau yal tơnggit geh mblàng, cih dờp mờ geh lơh niam wơl adat ta\ dia phan tơlik  tac mờ lơgar cau,  ta\ dia phan tơmut blơi bơh lơgar cau tam gơl,  geh đơs loh: tu\ do gam geh  ua\ jơnau đơs krơi is gùt dar: tu\ tơngai ta\ dia, broa\ geh ngui ta\ dia rcang gàr ka\ bro,  broa\ ờ ta\ dia tơlik tac phan mờ lơgar cau, tơmut phan bơh lơgar cau mờ bơta jàu wơl pria\ ta\ dia. Anih lơh broa\ sùm Gơnoar ala mat dà lơgar geh đơs la: broa\ geh cih bè rơndap adat geh pơ gồp bal bươn boài mờ geh pơnjờng ala\ mpồl lơh sa ka\ bro geh lơh niam ala\ geh cih bơh adat boh lam,  tơmù bơta lơh sra\ nggal tàm broa\ lơh ka\ bro tơlik tac phan mờ lơgar ndai mờ do kung la  broa\ lơh sùm bơh ala\ mpồl lơh broa\ sền gròi ta\ dia phan tơmut tơlik mờ lơgar cau dunia dê. Rơndap adat dơ\ do kung geh lơh niam tus mờ phan bơna tơlik tac mờ lơgar cau, ala\ geh cih  bè ta\ dia, ta\ dia tơmut phan mờ lơgar cau geh mut lơh  jat kơrnuat ka\ bro mờ Việt Nam ky\ mờ geh gơnoar ala mat dà lơgar ky\ sra\. Bal mờ hơ\,  broa\ ờ geh cih nền nòn bè khà mờ broa\ ta\ dia la di pal mờ jơnau  mờng lơh dunia, mơ kung la  bơta kuơ niam mờ dong bơta bươn boài,  geh lơh lài ala\ broa\  tus ala\ anih lơh broa\ atbồ dà lơgar.

                   Cau cih mờ yal tơnggit K’ Brọp