VOV4.K’ho - Broă lơh jăt adăt boh lam bè broă sền gàr, ngui ù tàm ală anih lơh sa suơn dờng, anih lơh sa kă bro  sền gàr tam brê dà lơgar tơngai bơh nam 2004 tus 2014 geh cri bơyai tàm pơrjum Gơnoar ala măt dà lơgar ngai do 10/11.

Broă sền gàr, ngui ù tàm ală anih lơh sa suơn dờng dà lơgar sền gàr neh geh cri bơyai tàm anih duh broă sùm Gơnoar ala măt dà lơgar ngai 22/9 lài do. Tu\ do, ală anih lơh sa suơn dờng geh dà lơgar jàu sền gàr rơlao 7 tơlăk 900 rơbô lồ ù, uă rơlao 2 dơ\ jăt mờ khà ù lơh kòi, mơya ù ngui ờ geh cồng nha, broă jàu ngui ù ờ di pal, ờ di cau geh uă den tàng lơh hoàc huơr gời. Jăt jơnau đơs bơh Gah lơh sa mờ tơnguh bơtàu [òn lơgar dà lơgar yal, kờ` sền gàr, ngui ù tàm ală anih lơh sa suơn dờng dà lơgar sền gàr, den pal crơng gơs mpồl đơng lam tàm ală tiah tài broă tam phà ù tiah là kal ke ngan. Geh ờ uă kuang bàng đơs là pal tơnguh uă ală broă lơh sa suơn dờng lơh geh cồng nha tu\ do, bè Binh đoàn 15 tàm Tây Nguyên.

        Cau cih mờ yal tơng^t Ndong Brawl