VOV4.K’ho – Pơnjat tai pơrjum dơ\ 9, drim òr 02-6, Gơnoar ala mat dà lơgar pơrjum bal tàm hìu pơrjum, iat jơnau yal mblàng, cih dờp, bơsong rơndap Adat kes priă dà lơgar tam gơl mờ cribơyai ờ uă tơngume gam geh jơnau đơs krơi is bơh rơndap Adat do dê. Dùl tàm ală tơngume geh uă kuang bàng cribơyai là khà gơguh uă tă ngui dơ\ kes priă dà lơgar. Ală kuang bàng ờ suk bè bơta Gơnoar ala mat dà lơgar cih mùl màl khà tă ngui dơ\ kes priă bơh tơl càr, [òn dờng dê, tài dilah cih bè tàm rơndap Adat den bơta mut ngui ngan ngồn ờ uă. Ală kuang bàng Gơnoar ala mat dà lơgar geh ờ tơl tơngai nàng yal tơngit, ai jơnau đơs bè khà tă ngui dơ\ kes priă bơh tơl càr, [òn dờng dê, ờ hềt đơs tus gal geh nùs nhơm ờ niam. Bal mờ hơ\, tàm sèng c Bơta 7 tàm rơndap Adat neh jàu Gơnoar atbồ lơgar cih mùl màl ală bơta pal geh nàng tă kes priă [òn lơgar mờ cih khà jơngkah dồs bơh tơl càr, [òn dờng dê kờ` gàr niam atbồ kơ\ broă tă càn dồs bơh tơl càr, [òn dờng dê, pơgồp bơnah gàr niam dồs dà lơgar.

                                                                                               Cau mblàng K’ Duẩn.