VOV4.K’ho - Mho òr (26/11), Gơnoar ala măt dà lơgar lơh broă tàm hìu pơrjum dờng, pờ tê ring bal kơrnoăt k^ hơ bal sră nggal tam gơl kơrnoăt crơng gơs mpồl kă bro dunia (WTO); pờ tê ring bal adăt bơyai lơh anih lơh broă lùp khào lơh glài ku\p màng mờ cri bơyai bè rơndăp broă adăt bè mpồl.

Jơnau đơs bè rơndăp broă adăt bè mpồl, geh uă kuang bàng ring bal mờ broă pal geh tơl^k adăt do, tài gơnoar lơh mpồl là 1 tàm ală gơnoar tòm làng bol dê geh dờp bơh tàm sơnoa boh lam sơnrờp ngan dà lơgar he dê-Sơnoa boh lam nam 1946 mờ pơn jăt tai dờp tàm ală pang sră sơnoa boh lam tơnơ\ do. Do là ală broă tơl^k bơta niam bơh broă lơh gùl mpồl bơtiàn lơh tòm, tơnguh gơnoar lơh tòm làng bol dê tàm broă tơnguh bơtàu dà lơgar mờ tơrgùm bal mờ dunia. Gơwèt mờ kơrnoăt bè ală mpồl lơh broă gùng dră bal-mpồl bơtiàn, kơrnoăt tàm adăt do ờ geh ngui tus mờ “Gah tề lam gùng dră bal Việt Nam, mpồl ala măt cau lơh broă Việt Nam, mpồl cau lơh sa Việt Nam, mpồl ơruh pơnu cộng sản Hồ Chí Minh, mpồl tam klăc cau ùr Việt Nam, mpồl cau ling yau Việt Nam”, geh uă jơnau bơh ală kuang bàng ring bal tài do là ală mpồl lơh broă gùng dră bal-mpồl bơtiàn geh kuơ màng mờ gơnoar kuơ màng tàm broă lơh kăc màng Việt Nam dê.

        Cau cih mờ yal tơng^t Ndong Brawl