VOV4.K’ho - Mho òr (12/11), ală kuang bàng tàm Gơnoar ala măt dà lơgar pơn jăt tai lơh broă tàm hìu pơrjum dờng, iăt sră yal mờ jơnau yal lùp sền rơndăp broă adăt bè mpồl; cri bơyai bè rơndăp broă adăt cau ling lơh broă ờs mờng mờ cau lơh broă sa priă nhai gah sền gàr dà lơgar.

Pơgồp jơnau đơs tàm rơndăp broă adăt cau ling lơh broă tòm mờ cau lơh broă sa priă nhai gah sền gàr dà lơgar, geh uă jơnau đơs ring bal là, pal tơl^k adăt kờ` di pal mờ sơnoa boh lam, gơnoar tòm bơh Gơnoar ala măt dà lơgar dê, ai tơl^k bè ală groăt, kơnă cau ling lơh broă tòm. Bè khà sơnam drơng broă lơh tàm mpồl ling uă ngan, geh uă jơnau đơs ring bal mờ broă tơnguh sơnam drơng broă tàm mpồl ling tus mờ cau ling lơh broă ờs mờng bè tàm rơndăp broă adăt jăt kơnă, groăt neh geh. Mơya, pal ai tơl^k loh mùl màl rơlao di lah cau geh tơnjo\ sơnam drơng broă tàm mpồl ling tus mờ cau ling lơh broă ờs mờng geh broă lơh jăk chài, mơya gam dờp kơnòl ală anih lơh broă mờ ờ gơtùi ơla.

Ngai do (13/11), [ùi drim, Gơnoar ala măt dà lơgar cri bơyai tàm mpồl bè rơndăp broă adăt pin dờn, jăt yàng mờ rơndăp broă adăt sền gàr mờ bơto bơtê kơnòm dềt tam gơl. {ùi mho, ală kuang bàng tàm Gơnoar ala măt dà lơgar cri bơyai tàm hìu pơrjum dờng bè rơndăp broă adăt tam gơl, bơtơl ờ uă bơta tàm ală adăt bè tă dia mờ rơndăp broă adăt tă dia tăc phan mờ lơgar bơdìh mờ blơi bơh lơgar bơdìh tam gơl.

        Cau cih mờ yal tơng^t Ndong Brawl