VOV4.K’ho - Drim òr (29/3), Gơnoar ala măt dà lơgar pơn jăt tai pơrjum tàm hìu pơrjum dờng, tơrgùm cri bơyai 4 jơnau yal tơngai lơh broă bơh nam 2011 tus 2016 Kuang atbồ lơgar, Gơnoar atbồ lơgar mờ Kuang gơs gơnăp gơnoar atbồ hờ đang rơlao jơh dà lơgar, Anih cah rơ`a dờng rơlao jơh dà lơgar, Anih sền gròi ai ngui kơrnoăt boh lam dờng rơlao jơh dà lơgar.

Cri bơyai bè jơnau yal tơngai lơh broă bơh Kuang atbồ lơgar, ală jơnau đơs ndrờm đơs niam gơnoar bơh Kuang atbồ lơgar dê tàm broă lơh niam adăt boh lam, broă lơh bal mờ lơgar ndai mờ tàm broă lơh mùl màl. Mơya, ală kuang bàng kung neh đơs loh gam uă gah broă lơh Kuang atbồ lơgar dê ờ hềt tơl^k gơnoar tòm jăt mờ kơrnoăt sơnoa boh lam bè tàm broă bơsong broă dà lơgar, rài kis làng bol, tàm gơnoar atbồ mpồl ling, tàm broă sền wơl ală kơrnoăt, adăt boh lam geh tơl^k. Ală kuang bàng đơs là, tàm tơngai lơh broă, să tòm Kuang atbồ lơgar geh pơgồp bal niam tàm broă tam gơl pa dà lơgar. Kuơ màng ngan tàm 3 gah: mờ gơnoar là kuang atbồ mpồl lơh niam adăt boh lam dà lơgar, Kuang atbồ lơgar neh sền gròi tus broă bơ\t bơtàu, lơh jăt kơrnoăt jơh ală kơrnoăt tàm adăt boh lam, sền gròi tus broă bơ\t bơtàu mpồl kuang bàng lơh broă tàm gah adăt boh lam geh nùs nhơm niam, bồ tơngoh ngăc ngar kờ` di pal mờ broă kờ` mùl màl, pơgồp bal tàm broă chồl pràn broă sền wơl, bơsong ală tìs oàn, tìs gam gơlời, tơmù khà tìs oàn. Dơ\ 2, broă lơh bal mờ lơgar ndai, Kuang atbồ lơgar mờ kuang jăt jơng atbồ lơgar neh pơgồp bal kuơ màng tàm broă tơnguh bơngă lơgar Việt Nam tàm dunia. Dơ\ 3 tai, tàm broă lơh mùl màl, Kuang atbồ lơgar, Kuang jăt jơng atbồ lơgar neh tơl^k là kuang bàng đơng lam sền gròi ngan, đềt mềr mờ làng bol, sùm drơng gàr tus rài kis làng bol, tàm hơ\ uă ngan là làng bol kis tàm tiah sar lơgar ngài.

        Cau cih mờ yal tơng^t Ndong Brawl