VOV4.K’ho - Pơn jăt tai pơrjum dơ\ 2, Gơnoar ala măt dà lơgar kơnă 14, Mho òr, Gơnoar ala măt dà lơgar lơh broă tàm hìu pơrjum dờng, cri bơyai bè cồng nha lơh jăt kes priă dà lơgar nam 2016; rơndăp broă kes priă dà lơgar bal mờ gùng dà tam pà kes priă dà lơgar nam 2017. Ală kuang bàng sồr pal lơh loh broă tơmù lòt càn priă kờ` bơtơl tàm broă ngui kes priă; sền gròi ală khà tă sùm, tàm hơ\ uă ngan là broă tă priă tàm dà lơgar bal mờ ală càr, [òn dờng. Cri bơyai bè cồng nha lơh jăt kes priă dà lơgar nam 2016, ală kuang bàng đơs là: tă kes priă 9 nhai bồ nam 2016 geh ờ uă jơh bè broă lơh jăt rơndăp broă mờ tơnguh tă priă jăt mờ tu\ do nam lài. Tàm hơ\ tă kes priă dà lơgar mìng geh 61% khà rơndăp broă, kờp du\ gùt nam kes priă càr, [òn dờng tă ờ tơl 4 rơbô 400 tơmàn priă, kes priă dà lơgar tă ờ tơl bơh 8 tus 12 rơbô tơmàn priă jăt mờ rơndăp broă. Bơta do pà go\ broă yal lài anih kă bro mờ sền broă lơh rơndăp broă kes priă gam ờ pràn, den tàng lơh gơbàn kes priă dà lơgar ờ tơl mờ ờ ndrờm bal.

Cau cih mờ yal tơng^t Ndong Brawl