VOV4.K’ho - Mho òr (19/11),  ala\ kuang bàng Gơnoar ala mat dà lơgar geh lơh broa\ tàm mpồl, cri bơyai bè rơndap adat lơh gơs sơnơm tam gơl mờ adat bè mpồl bơyai lơh. Ala\ ala\ kuang bàng geh đơs la,  bulah nèh rlau 10 nam mut ngui kơrnuat lơh gơs sơnơm, mơya drà ka\ bro sơnơm tàm lơgar gam sơnđìng ua\ ngan tàm lơgar cau, tơmù geh 90% phan lơh  gơs sơnơm mờ 50% kờp jơh sơnơm lơh. Jat trơ gùm kờp, nam 2014,  kờp  bal tơl cau Việt Nam geh ngui 31 dolar Mỹ pria\ sơnơm mờ 50% pria\ do nàng blơi sơnơm bơh lơgar cau ua\ ngan la kas pria\. Bulah neh geh rlau 180 hìu ma\y lơh sơnơm, phan lơh gơs sơnơm, mơya tàm hơ\ geh rlau 150 hìu ma\y tơl khà  mut lơh gơs niam GMP, mơya ua\ ngan  hìu ma\y dềt mờ ua\ ngan la lơh gơs sơnơm ờ kas. Tàm tu\ hơ\, khà phan lơh sơnơm tàm Việt Nam den li la ngan, kờp bal ala\ bơta phan lơh sơnơm kuơ, khà niam mơya ờ hềt geh broa\ lơh di pal, den tàng ua\ ngan la làng bol geh tơnhàu is mờ tac jờ lơgar cau. Jat jơnau bơh ala\ cau kuang,  rơndap  lơh gơs adat lơh  gơs sơnơm kờ` pal geh ala\ broa\ lơh dong lài nền nòn, tơl pràn nàng  geh gơtùi tus ala\ gah lơh sơnơm bơtàu tơngguh, di pal bơta kờ` sơnơm tàm lơgar,  mờ tac hờ lơgar cau, ngan la sơnơm y học cổ truyền, vaccine.

                             Cau cih mờ yal tơnggit jơnau K’ Brọp