VOV4.K’ho – Pơnjat tai dơ\ lơh broă, mho òr, 09/11, Gơnoar ala mat dà lơgar cribơyai tàm mpồl bè rơndap Adat tam gơl, bơtơl mat ală gah, broă lơh bơcri lơh sa kă bro gơjat bal mờ ală bơta pal geh bơh Adat bơcri priă dê. Dùl tàm ală tơngume geh ală kuang bàng sền gròi cribơyai là geh halà ờ jơnau cih broă bơtơl lơh gơlik, crap gơs, blơi bơh lơgar ndai rơndeh dờng là gah, broă lơh bơcri priă gơjat bal mờ bơta pal geh. Jat sră yal bơh Gơnoar atbồ lơgar dê, rơndap adat tam gơl, bơtơl mat ală gah, broă lơh bơcri priă kă bro gơ jat bal mờ bơta pal geh bơh Adat bơcri priă sang 27 gah, broă lơh ờ kuơ màng pal cih mờ gah, broă lơh bơcri priă kă bro gơ jat bal mờ bơta pal geh tài ờ gam dipal tai mờ bơta geh ngan broă lơh bơcri priă kă bro kung bè jơnau sồr atbồ dà lơgar. Mơkung bơtơl 15 gah, broă lơh neh geh cih tàm ală adat gam geh ngui tu\ do halà gah, broă lơh pa geh; dờp git, tam gơl tơl khà mat 18 gah, broă lơh kờ` đơs di, tơl làm, loh làng ală bơta pal geh nàng bơcri priă kă bro tus mờ ală gah, broă lơh dipal mờ jơnau cih tàm ală adat boh lam geh gơ rềng kung bè bơta geh ngan atbồ dà lơgar.

                Cau cih mờ yal tơnggit K’ Duẩn