VOV4.K’ho – Mho òr, 31/10, Gơnoar ala mat dà lơgar cribơyai tàm mpồl bè rơndap Adat atbồ, ngui phàu crong, phan bơrtoh mờ phan bơna dong kờl. Dùl tàm ală tơngume geh uă kuang bàng ai jơnau đơs là jơnau cih ală cau geh ai ngui phàu crong, phan bơna dong kờl mờ jơnau cih ală cau geh cuh phàu. Ală jơnau cih cribơyai ringbal đơs là, kuơ màng pal bơt bơtàu rơndap adat do kờ` bơsong ală bơta ờ niam tàm broă atbồ, ngui phàu crong, phan bơrtoh mờ phan bơna dong kờl tàm tơngai lài. Ngan là tu\ do, tu\ bơta pơndiang, kă bro, prap ơn, ngui phàu crong, phan bơrtoh mờ phan bơna dong kờl tàm broă tơnhàu phan kuơ tàm ù, lơh ka, kă bro phan sang kal ke ngan sền gròi, ală broă ngui phàu crong, phan bơna dong kờl dră wơl cau lơh broă geh gơnoar ngai sơlơ gơguh uă. Uă broă gơlik geh neh lơh gơbàn jơnau gơ lời wơl kơn jơ\ ngan.

                Cau cih mờ yal tơnggit K’ Duẩn.