VOV4.K’ho – Pơnjat tai broă lơh pơrjum dơ\ 9, Gơnoar ala mat dà lơgar kơnă 13, drim òr 5-6, Gơnoar ala mat dà lơgar iat jơnau yal bơh Anih duh broă sùm Gơnoar ala mat dà lơgar bè bơta òan tìs tàm broă mut ngui adat boh lam bè lơh glài kup màng, sră nggal lah yă lơh glài kup màng mờ broă tơm wơl hoàc huơr cau gơtìp òan tàm broă lah yă lơh glài kup màng jat jơnau cih adat boh lam dê mờ cribơyai bè tơngume do. Bè broă tơm wơl hoàc huơr cau gơtìp òan tìs in, uă kuang bàng đơs là, bulah neh geh cih tàm adat kơnòl tơm wơl dà lơgar mơya gam uă bơta ờ hềt dipal, ờ hềt krà` cê loh làng den tàng geh bơta ờ hềt song dơpă mờ cau geh tơm wơl uă ngan sồr tàm khà jơnhua ngan pơndrờm mờ khà mùl màl geh tơm wơl. Jat ồng Lê Đình Khanh, mpồl Hải Dương, bulah geh tơm wơl kàr lơi den ală hoàc huơr bơh ală cau gơtìp òan mờ hìu nhă khi dê kung ờ tơl. Adat boh lam halà sră nggal hơđơm adat boh lam pal cih mùl màl nàng cau geh tơm wơl mờ anih lơh broă, cau dùl nă să geh kơnòl tơm wơl halà anih cah rơ`a tàm pơndrờm, pleh gơlik geh wơl ală bơta lah yă jo\ jòng bè tơm wơl òan tìs.

                                                                                   Cau mblàng K’ Duẩn.