VOV4.K’ho – Drim òr 01/04, Gơnoar ala mat dà lơgar cribơyai tàm hìu pơrjum bè cồng nha mu\t lơh kơnòl broă bơtàu tơnguh lơh sa- mpồl bơtiàn nam 2015 mờ 5 nam bơh nam 2011- 2015; bơyai broă rơndăp lơh bơtàu tơnguh lơh sa- mpồl bơtiàn, broă rơndăp lơh ngui ù 5 nam bơh nam 2016- 2020. Cribơyai tàm hìu pơrjum, ală kuang bàng dùl nùs bal mờ Jơnau yal bơh Gơnoar atbồ lơgar dê bè cồng nha mu\t lơh kơnòl broă bơtàu tơnguh lơh sa- mpồl bơtiàn nam 2015 mờ 5 nam bơh nam 2011- 2015. 5 nam do bulah dà lơgar gơtìp uă ngan kal ke, bơta lòng mơya sền bal neh jơh lơh jơnau jờn bal neh ai tơlik. Cribơyai bè ală kal ke bơh lơh broă sa sươn sre bè drà kă bro mờ tam gơl trồ tiah, ală kuang bàng sồr Gơnoar atbồ lơgar sồr ală gah, sơnah lơh broă dà lơgar bal mờ ală càr, [òn dờng geh broă lơh rơcang sơndră mờ bơsong trồ prang soăt dà, bơta gơbam dà lềng; dong kờl làng bol kơ\ kơl jăp rài kis, lơh sa, kung bè geh ală broă lơh kuơmàng, jo\ jòng tàm broă rơndăp ù tiah lơh ală gùng lòt, bơtơ\t rbòng dà; lơh tam gơl wơl rơndăp tăp sèng lơh broă sa sươn sre nàng sơndră wơl mờ bơta tam gơl trồ tiah. Bơta rơcang sơndră sa kuề sa kùa, pơhì pơhà hoàc hươr kung geh uă kuang bàng sền gròi mờ sồr geh ală broă lơh kràn kơldang rlau tai, tài bơh do là jơnau pơhìn ngòt rơ ngơ\t ngan tus bơta bơtàu tơnguh pas sơm bơh dà lơgar dê...

Cau cih mờ yal tơngi\t- Lơ Mu K’ Yến