VOV4.K’ho – Pơnjat tai broă lơh pơrjum dơ\ 9, Gơnoar ala mat dà lơgar kơnă 13, drim do 17-6, Gơnoar ala mat dà lơgar pơrjum bal, cribơyai bè rơndap Adat yal yă lơh glài kup màng tam gơl. Geh uă jơnau đơs đơs là, rơndap Adat yal yă lơh glài kup màng tam gơl pal cih loh làng rlau gơnoar geh ơm mo\ bơh cau gơbàn đơs tìs dê. Jat mờ hơ\, khi ờ pal geh jơnau yal sơndră wơl să tờm, halà sồr pal dờp là he geh tìs” nàng tam dră mờ bơta pù pờng tu\ lùp khàu”. Mơya tàm mùl màl, jơnau yal dờp geh tìs bơh ală cau gơtìp lah yă dê là tu\ nàng khi geh wờl să, gơjra` sang glài nàng geh dờp bơta dong kờl bơh dà lơgar dê mờ dong khi gơtùi mut lơh gơnoar tò dong is, sền gàr is să tờm. Mờ jơnau cih “Pal kup sap, kup rùp tàm broă lơh lùp khàu cau gơtìp lah yă, ờ uă jơnau đơs đơs là, broă lơh do geh đơs song dơpă broă lùp khàu, tơmù tus khà lơyah ngan rlau jơh ală cau gơtìp pù pờng tu\ lùp khàu. Mơya, bơh geh ngan, ờ uă jơnau đơs sồr anih cih gơs adat pal tơlik là priă jền kàr lơi nàng sền sơwì bơta mut ngui ngan ngồn jat bă tiah halà dùl ròt mut ngui ngan ngồn. Bal mờ hơ\, geh uă jơnau đơs đơs là, pal sền gròi bè bơta kuơ phan kup sap, kup rùp tu\ lùp khàu.

                                                                                               Cau mblàng K’ Duẩn.