VOV4.K’ho – Drim òr 13/11, Gơnoar ala mat dà lơgar lơh broă tàm mpồl, cribơyai bè Rơndăp lơh Adat pin dờn, jat yàng. Ală kuang bàng đơs Rơndăp lơh Adat neh tơngo\ bơta rề ơnàng, sền dờng màng gơnoar khat gơboh pin dờn, jat yàng jat jơnau cih tàm Sơnua boh lam nam 2013. Cribơyai bè Rơndăp lơh Adat pin dờn, jat yàng, ală kuang bàng dùl nùs ring bal đơs là: do là tơngai niam ngan nàng lơh adat, tơngo\ bơta sền dờng màng bơh dà lơgar dê tus mờ gơnoar khat gơboh, pin dờn, jat yàng bơh làng bol dê. Ring nùs bal mờ jơnau đơs “jơh ală gah jat yàng ndrờm ring bal tềng đăp kơrnoat boh lam”, mơya kuang bàng Lê Minh Thông, gơ wèt mpồl kuang bàng Gơnoar ala mat dà lơgar càr Thanh Hoá, đơs là, ală jơnau cih tàm adat do pal lơh loh làng geh jơnau đơs do: “Jơh ală gah jat yàng ndrờm ring bal tềng đăp kơrnoat boh lam hơ\ là bè đah mpồl bơtiàn là pal ơm kis boh bơr mờ ală gah jat ỳang ndrờm gơ\p bal. Ờ geh gah jat yàng lơi ơm hơđang gah jat yàng lơi, pal đơs tờm jơnau đơs hơ\. Dơ\ bàr là broă lơh bơh dà lơgar dê pal ring bal sơ.. Dilah ờ gah jat yàng ndai cau đơs, adat cih a` ring bal tềng đăp kơrnoat boh lam mờ a` ring bal tềng đăp dà lơgar. Jơnau do pal loh làng. Mpồl lơh sa kă bro digơlan cau dong kờl ai gah yàng phờk in halà cau dong kờl ai gah hìu yàng in, mơya dà lơgar là pal ndrờm bal. Pal lơh loh tàm bơta do. Rơndăp lơh adat ờ hềt loh làng ngan”..

Cau cih mờ yal tơngi\t- Lơ Mu K’ Yến