VOV4.K’ho – Pơn jăt tai pơrjum dơ\ 9, Gơnoar ala mat dà lơgar kơnă 13, drim do 29/05, Gơnoar ala mat dà lơgar cribơyai tàm mpồl bè Rơndăp lơh Adat Priă pal tă mờ priă pal tă ờs mờng. Cribơyai bè măt priă pal tă mờ priă pal tă ờs mờng, ală kuang bàng đơs là, tài ờ gam dipal tai mờ bơta geh ngan den tàng ờ uă bơnah priă tă neh tam gơl tus broă khà priă drơng broă ala; ờ uă bơta priă pal tă, priă pal tă ờs mờng ờ dipal ndai, kung kờ` pal geh sang te\ nàng dipal mờ bơta pa. Bơta ndai, broă atbồ ală bơnah priă ai geh bơh priă pal tă mờ priă pal tă ờs mờng tu\ do ờ hềt geh bơta ring bal; uă bơnah priă tă geh mờ dơ\ ngui bơh priă pal tă mờ priă pal tă ờs mờng ờ hềt lơh geh di ală jơnau cih bơh kơrnoat boh lam dê, bơta sơmờm tă halà lời hi\u bơnah priă tă geh kung gam geh sơl. Broă ngui bơnah priă pal tă geh gam pơhì pơhà, hoàc hươr, ờ hềt loh làng, ờ song dơ pă mờ cồng nha ờ geh uă. Mờ tus bal mờ ờ uă bơnah priă pal tă geh broă lơh drơng broă ala tơn, den broă tă geh mờ jàu priă tă geh kung lơyaì sơl, ờ hềt lơh jăt tơngai ai, jơnau bơto pơlam tàm ală kơrnoat bơh Dà lơgar mờ Gơnoar ala mat dà lơgar dê.

Cau mblàng Lơ Mu K’ Yến