VOV4.K’ho- Pơn jat tai pơrjum dơ\ 9, Gơnoar ala mat dà lơgar kơnă 13, ngai òr 22/06, Gơnoar ala mat dà lơgar pờ tê ring bal Adat ai ngui sră nggal gơrềng tus adat boh lam mờ cribơyai rơndăp lơh Adat tam gơl, bơtơl bàr pe bơta bơh Adat gùng dà lềng lơgar Việt Nam. Gơ wèt mờ Adat tam gơl, bơtơl bàr pe bơta bơh Adat gùng dà lềng lơgar Việt Nam dê, uă ngan kuang bàng ring nùs bal. Bal mờ hơ\, bàr pe nă kuang bàng đơs là: rơndăp cih adat ờ hềt cih loh làng, ngan ngồn bè ală ơhò, phan ngui, rơndăp tăp sèng broă lơh bơ\t bơtàu tàm dà lềng, bè: ơhò nhơ\p mur, ơhò ală bơta, hìu prăp phan pơrđồng tàm dà lềng, dra ntrờn…Do là ală ơhò, phan ngui geh bơta krơi is mơya pa geh tàm lơgar he den tàng tìp uă bơta kal ke tàm broă cih mat, sền gi\t bơta niam mờ tơngai ai ngui mờ lơh broă. Dilah ờ geh ală jơnau cih loh làng, ring bal nàng tam gơl, atbồ broă lơh tus mờ ală phan do den geh gơlik geh uă bơta kal ke. Tam gơl adat kung kờ` pal sền gròi rơndăp lơh ală bơta kờ` sơlơ tơnguh tai bơta bơto bơtê, tề lam mờ ngui mpồl cau lơh broă ai gah gùng dà lềng lơgar Việt Nam in dùl bă tơl làm.

Kung tàm ngai òr, Gơnoar ala mat dà lơgar neh ring bal Adat ai ngui sră nggal gơrềng tus adat boh lam; pờ tê ring bal Kơrnoat bè broă mu\t lơh gùng dà broă lơh dờp priă sền gàr rềs àr mpồl bơtiàn dùl dơ\ tus mờ cau lơh broă tơnơ\ dùl nam tơn jơh lơh broă mờ cribơyai bè rơndăp lơh Adat tơrgùm kờp (tam gơl).

          Cau mblàng Lơ Mu K’ Yến