VOV4.K’ho – Pơn jat tai pơrjum dơ\ dùl, Gơnoar ala mat dà lơgar kơnă XIV, ngai òr 29/7, Gơnoar ala mat dà lơgar lời dùl ngai tàm hìu pơrjum iat jơnau yal mờ cribơyai bè broă mu\t lơh broă rơndăp lơh bơtàu tơnguh lơh sa- mpồl bơtiàn mờ kes priă dà lơgar 6 nhai bồ nam 2016, ală broă mu\t lơh broă rơndăp lơh bơtàu tơnguh lơh sa- mpồl bơtiàn mờ kes priă dà lơgar 6 nhai lồi nam. Jat jơnau yal, 6 nhai do, khà gơguh tai GDP geh 5,52%, lơyah rlau 0,8% pơndrờm bal dùl tu\ mờ nam lài. Gơbàn jơnau do uă ngan là tài bơh gơmù uă ngan gơguh tai lơh sa bơh tiah lơh broă sa sươn sre mờ lơh sa mờ măy mok jòi tơnhàu phan kuơ tàm ù; bơta [ơ\ [ơl tiah ơm kis uă ngan tàm ală tiah dà lềng ală càr tiah tàm gùl lơgar; trồ tiah geh ală bơta tam gơl nisơna. Kờn lơh geh jơnau kờn gơguh tai ai jơh gùt nam 2016 in, ală nhai gam wơl, GDP pal lơh geh mờr 7,6%, do là jơnau kal ke ngan gơtùi lơh geh. Cribơyai tàm hìu pơrjum, bàr pe nă kuang bàng sồr, kờn pal lơh loh bơta geh ngan, jòi bàn jơnau bơh tài lơh gơbàn mờ dan geh broă lơh nàng gơtùi lơh geh ală jơnau kờn gơguh tai lơh sa ai nam 2016 in.

Cau cih mờ yal tơngi\t- Lơ Mu K’ Yến