VOV4.K’ho – Pơn jat tai pơrjum dơ\ 10, Gơnoar ala mat dà lơgar kơnă 13, mho òr 28/10, Gơnoar ala mat dà lơgar cribơyai tàm hìu pơrjum jơnau yal bè broă lơh rcang sơndră lơh tìs adat boh lam mờ cau lơh tìs; broă lơh bơh Kuang atbồ Anih sền gròi ai ngui kơrnoat boh lam jơnhoa hơđang rlau jơh dà lơgar mờ Kuang atbồ Anih cah r`a jơnhoa hơđang rlau jơh dà lơgar dê; broă lơh jat kơrnoat lơh glài bơh anih cah r`a dê, kuơmàng jơnau yal bè broă lơh rcang sơndră sa kuề sa kùa nam 2015. Ală kuang bàng sồr sơlơ lơh uă tai, lòt sền, chul chồl, bơsong lơh tìs tàm broă lam mu\t lơh ală broă lơh rcang sơndră sa kuề sa kùa, sền dờng màng ală broă lơh bơsong mờ cồng nha rcang sơndră ờ geh uă; kràn cê jơh nùs lùp khàu, lơh loh ală broă lơh tìs sa kuề sa kùa, lơh glài kràn cê di mờ jơnau cih bơh adat boh lam dê mờ mu\t lơh niam broă ai wơl jơtài phan bơna sa kuề sa kùa mờ geh. Di tu\ ntrờn, tàm pơdar, ala mờ lơh glài ală kuang bàng đơng lam, atbồ lời gơlik geh jơnau sa kuề sa kùa, bơngă pin dờn gơtìp gơmù, ờ lơh geh di jơnau kờn bơh kơnòl broă dê; rơhời geh gùng dà broă lơh bè priă nhai, pơn jờng mờ phan bơna halà priă jền dipal nàng lơh bè lơi ai kuang bàng, cau lơh broă sa priă nhai dà lơgar gơtùi kis geh mờ priă nhai mờ geh rài kis tơl ngui tơl sa tàm làng bol [òn lơgar.

Cau cih mờ yal tơngi\t- Lơ Mu K’ Yến